କାଶୀର ପ୍ରସିଦ୍ଧ ବିଶ୍ବନାଥ ମନ୍ଦିରରେ ଥିବା ଜ୍ଞାନବାପି ମସଜିଦ ଖନନ ପାଇଁ ଏକ କୋର୍ଟ ଭାରତୀୟ ପ୍ରତ୍ନତତ୍ତ୍ବ ସର୍ବେକ୍ଷଣ ସଂସ୍ଥା (ଏଏସଆଇ)କୁ ଅନୁମତି

259
ADVERTISEMENT

ଉତ୍ତରପ୍ରଦେଶ,୦୮/୦୪(ଡ଼ି.ଏଚ/ବ୍ୟୁରୋ) : ବାରାଣାସୀ ବା କାଶୀର ପ୍ରସିଦ୍ଧ ବିଶ୍ବନାଥ ମନ୍ଦିର ପରିସରରେ ଥିବା ଜ୍ଞାନବାପି ମସଜିଦ ଖନନ ପାଇଁ ଏକ ସ୍ଥାନୀୟ କୋର୍ଟ ଭାରତୀୟ ପ୍ରତ୍ନତତ୍ତ୍ବ ସର୍ବେକ୍ଷଣ ସଂସ୍ଥା (ଏଏସଆଇ)କୁ ଅନୁମତି ଦେଇଛନ୍ତି । ଏହି ଖନନ କାର୍ଯ୍ୟର ସମସ୍ତ ଖର୍ଚ୍ଚ ବହନ କରିବାକୁ କୋର୍ଟ ଉତ୍ତରପ୍ରଦେଶ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି । ଜ୍ଞାନବାପି ମସଜିଦକୁ ହିନ୍ଦୁମାନଙ୍କୁ ଦିଆଯାଉ ବୋଲି ଦାବି କରି ଜଣେ ସ୍ଥାନୀୟ ଓକିଲ ଭି.ଏସ. ରସ୍ତୋଗୀ ବାରାଣାସୀ ଜିଲ୍ଲା କୋର୍ଟରେ ଏକ ପିଟିସନ ଦାଏର କରିଥିଲେ । ନିଜର ଆବେଦନରେ ସେ ଦର୍ଶାଇଥିଲେ ଯେ ୧୬୬୪ରେ ମୋଗଲ ସମ୍ରାଟ ଆଉରେଙ୍ଗଜେବ ୨୦୦୦ ବର୍ଷ ପୁରୁଣା ଏହି ବିଶ୍ବନାଥ ମନ୍ଦିରର କିଛି ଅଂଶକୁ ଭାଙ୍ଗି ମସଜିଦ ତିଆରି ପାଇଁ ନିର୍ଦ୍ଦେଶ ଦେଇଥିଲେ । ତେବେ ରସ୍ତୋଗୀଙ୍କ ଏହି ପିଟିସନକୁ ଜ୍ଞାନବାପି ମସଜିଦ କମିଟି ବିରୋଧ କରିଥିଲେ । ଅଯୋଧ୍ୟା ରାମ ମନ୍ଦିର ପରେ କାଶୀ ବିଶ୍ବନାଥ ମନ୍ଦିରର ଖନନ ପାଇଁ ଏଏସଆଇକୁ ନିର୍ଦ୍ଦେଶ ।

Advertisement