କୋଟପାଡ଼ ସହରରେ କୋରନା ଭୁତାଣୁ ସହ ଲଢେଇ ଜାରୀ ସହ ସଂକ୍ରମଣ ରୋକିବା ପାଇଁ ସାନିଟାଇଜିଙ୍ଗ

221
ADVERTISEMENT

କୋଟପାଡ଼,୩।୪(ସୁନୀଲ ଦାଶ): କୋରାପୁଟ ଜିଲ୍ଲାର କୋଟପାଡ଼ ସହରରେ ଯୁଦ୍ଧକାଳୀନ ଭିତ୍ତିରେ ଏନ. ଏ. ସି. କର୍ତୃପକ୍ଷ ଏବଂ ଓଡିଶା ଅଗ୍ନିସମ ବିଭାଗ ଦ୍ୱାରା ଚାଲିଛି କୋରନା ଭୁତାଣୁ ସହ ମୁକାବିଲା l ସମୟର ପ୍ରତିକୂଳ ପରିସ୍ଥିତି ଏବଂ କୋରନା ଭୁତାଣୁର ଭୟାବହ ସଂକ୍ରମଣ ରୋକିବା ପାଇଁ ପ୍ରତିବଦ୍ଧତାର ସହକାରେ ଚାଲିଛି ସାନିଟାଇଜ ବ୍ୟବସ୍ଥା l ସମଗ୍ର ସହର ଏବଂ ଗଳିକନ୍ଦିରେ ଦମକଳ ଗାଡି ଓ ଛିଞ୍ଚନକଳ ଦ୍ୱାରା ହଉଛି ସାନିଟାଇଜର ଔଷଧର ଛିଞ୍ଚନ l ସମ୍ପୂର୍ଣ ତାଲାବନ୍ଧ ଏବଂ ସାମାଜିକ ଦୂରତ୍ୱ ରକ୍ଷା କଲେ ନିଶ୍ଚିତ ଭାବେ ଆମେ କୋଭିଡ- ୧୯ ସହ ଲଢେଇ ଜିତି ପାରିବା ସେଥିରେ ସନ୍ଦେହ ନାହିଁ କିନ୍ତୁ ତା ସାଥେ ସାଥେ ଆମେ ସ୍ୱଚ୍ଛତା
ଉପରେ ଧ୍ୟାନଦେବା ନିତ୍ୟାନ୍ତ ଆବଶ୍ୟକ ରହିଛି l ପ୍ରତ୍ୟେକ ବ୍ୟକ୍ତି ନିଜସ୍ୱ ହାତ, ଶରୀର ଏବଂ ଗୃହ ବାରମ୍ବାର ସାନିଟାଇଜ କରିବା ସହ ସାମୁହିକ ଦୃଷ୍ଟିକୋଣରେ ସମଗ୍ର ସହରର ସ୍ୱଚ୍ଛତାର ମଧ୍ୟ ଜରୁରୀ ରହିଛି l ଆମେ ଯଦି ବିଶ୍ୱ ଇତିହାସର ମହାମାରୀ ସମ୍ବନ୍ଧୀୟ ବିଷୟକୁ ଅନୁଧ୍ୟାନ କରିବା ଏବଂ ବର୍ତମାନ ସମୟରେ ଯଉଁ ଚୀନ ଠାରୁ ଏହି ମହାମାରୀର ଉତ୍ପତ୍ତି ସେଠାରେ ମଧ୍ୟ ସମ୍ପୂର୍ଣ ସହର ଗୁଡିକୁ ସାନିଟାଇଜ କରିବାରେ ଆମେ ଦେଖିବାକୁ ପାଇଛେ l ଏହି ପରିପେକ୍ଷୀରେ ଏନ.ଏ.ସି. କର୍ତୃପକ୍ଷ ଦ୍ୱାରା କୋଟପାଡ଼ ସହରର ସାନିଟାଇଜ ବ୍ୟବସ୍ଥା ଏକ ସ୍ୱାଗତ ଯୋଗ୍ୟ ଏବଂ ଗୁରୁତ୍ୱପୁର୍ଣ ପଦକ୍ଷେପ ଅଟେ l

Advertisement