ବେଙ୍ଗାଲୁରୁ ୧/୭ (ଡ଼ିଏଚବି): ମାଇକ୍ରୋଫୋନ୍ରେ ଧରି ପକାଇବାରୁ ବିଜୁଳି ଆଘାତ ଲାଗି ରବିବାର ଦିନ ଜଣେ ୨୨ ବର୍ଷିୟ ଛାତ୍ରଙ୍କର ମୃତ୍ୟୁ ଘଟିଛି। ନେଲାମଙ୍ଗଲା ନିକଟ ଧର୍ମନାୟକନ ତାଣ୍ଡ୍ୟା ଠାରେ ଚାଲି ଥିବା ଗୋଟାଏ ଅଣଆନୁଷ୍ଠାନିକ କ୍ରିକେଟ୍ ମ୍ୟାଚ୍ରେ ଧାରା ବିବରଣୀ ଦେବାକୁ ଯାଉଥିବା ବେଳେ ମୃତ୍ୟୁ ବରଣ କରିଥିବା ସେ ବାଣିଜ୍ୟ ଛାତ୍ର ଜଣଙ୍କ ହେଉଛନ୍ତି କିରଣ କୁମାର। ଦିନ ପ୍ରାୟ ୧୨: ୩୦ ରେ ମୃତ୍ୟୁ ବରଣ କରିଥିବା କିରଣ କୁମାର ଥିଲେ ନେଲାମଙ୍ଗଲା ନିକଟ ତୁମକୁରୁ ରୋଡ୍ସ୍ଥିତ ଆରିସନାକୁନ୍ତେବାସୀ କିରଣଙ୍କ ନିଜ ଗାଁ କୋଟ୍ଟାନାହାଲ୍ଲୀରୁ ଆସିଥିବା କ୍ରିକେଟ୍ ଟିମ୍ରେ ତାଙ୍କର ବଡ଼ଭାଇ ଅରୁଣ କୁମାର ମଧ୍ୟ ଥିଲେ। ଏହାଛଡ଼ା ଆଖପାଖ ଗାଁରୁ ବହୁ ଦେଖଣାହାରୀ ମଧ୍ୟ ସେଠାରେ ଉପସ୍ଥିତ ଥିଲେ।
ଆଖପାଖ ଅଞ୍ଚଳରେ ତରୁଣ ସାଙ୍ଗ ମାନଙ୍କ ସହ ସବୁବେଳେ କ୍ରିକେଟ୍ ଖେଳନ୍ତି। ରବିବାର ଦିନ ସେଠାରେ ଖେଳିବା ପାଇଁ ଚାରିଟି ଟିମ୍ ଆସିଥିଲେ। ଧାରାବିବରଣୀ ପାଇଁ ପାଖରେ ଥିବା ଗୋଟାଏ ଖୁଣ୍ଟରୁ ହୁକ୍ ପକା ଯାଇଥିଲା। ତାରରେ କୌଣସି ତ୍ରୁଟି ଥିବାରୁ ବିଜୁଳି ଆଘାତ ଲାଗି କିରଣଙ୍କର ମୃତ୍ୟୁ ହୋଇଛି ବୋଲି ପୁଲିସ ଅନୁମାନ କରୁଛି। ବ୍ୟବଚ୍ଛେଦ ପରେ ଶବ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି। ପୁଲିସ ଖେଳରେ ବ୍ୟବହୃତ ସାଉଣ୍ଡ୍ ସିଷ୍ଟମ୍କୁ ଜବତ କରିଛି।
