ବିଏସ୍ଏନ୍ଏଲକୁ ଆର୍ଥିକ ସଙ୍କଟରୁ ବଞ୍ଚାଇବା ଲାଗି ୭୪ ହଜାର କୋଟି ଟଙ୍କାର ବେଲ୍ ଆଉଟ୍ ପ୍ୟାକେଜ ଦେଇପାରନ୍ତି ସରକାର

152
ADVERTISEMENT

ନୂଆଦିଲ୍ଲୀ, ୩/୭ (ଡି.ଏଚ.ବି):  ଆର୍ଥିକ ସଙ୍କଟ ଦେଇ ଗତି କରୁଥିବା  ରାଷ୍ଟ୍ରାୟତ ଉଦ୍ୟୋଗ ବିଏସ୍ଏନ୍ଏଲ ଓ ଏମଟିଏନଏଲକୁ ବଞ୍ଚାଇବା ଲାଗି ମୋଦୀ ସରକାର ଆର୍ଥିକ ସହୟତା ପ୍ରଦାନ କରିବେ ବୋଲି ଜଣାପଡ଼ିଛି । ବିଏସଏନଏଲ ଲାଗି  ସରକାର ୭୪ ହଜାର କୋଟି ଟଙ୍କାର ବେଲ୍ ଆଉଟ୍ ପ୍ୟାକେଜ ଦେବାକୁ ଚିନ୍ତା କରୁଛନ୍ତି । ଏହି ଯୋଜନାକୁ କାର୍ଯ୍ୟକାରୀ କରିବାକୁ ବଜେଟରେ ବ୍ୟବସ୍ଥା ରହିବ ବୋଲି ଆଶା କରାଯାଉଛି। ଏଥିମଧ୍ୟରେ ରହିବ କର୍ମଚାରୀଙ୍କ ଭିଆରଏସ ପ୍ୟାକେଜ । ବିଏସଏନଏଲର କର୍ମଚାରୀ ଭିଆରଏସ ନେଲେ ଅତିରିକ୍ତ ୫ ପ୍ରତିଶତ ଅଧିକ କ୍ଷତିପୂରଣ ଦିଆଯିବ । ବିଏସଏନଏଲ ହେଉଛି ଦେଶର ସବୁଠାରୁ ଅଧିକ କ୍ଷତିସହୁଥିବା ପିଏସୟୁ । ୨୦୧୯ ଆର୍ଥିକ ବର୍ଷରେ  ବିଏସଏନଏଲ ୧୩ ହଜାର ୮୦୪ କୋଟି ଟଙ୍କାର କ୍ଷତି ସହିଛି ।  ସେହିପରି ଏମଟିଏନଏଲ ମଧ୍ୟ ପ୍ରାୟ ୩ ହଜାର ୩୯୮ କୋଟିର କ୍ଷତି ସହିଛି । ଗତ ଦଶବର୍ଷ ଧରି ପରିଚାଳନାଗତ ତ୍ରୁଟି ଯୋଗୁଁ ବିଏସଏନଏଲ ଓ ଏମଟିଏନଏଲ କ୍ଷତିରେ ଚାଲୁଛି । ଦୁର୍ବଳ ଟେକ୍ନୋଲଜି ଓ ଅନ୍ୟାନ୍ୟ କାରଣରୁ ଘରୋଇ କମ୍ପାନୀଙ୍କ ସହ ଏହା ତାଳଦେଇ ଚାଲିପାରୁନାହିଁ ।ଏହାକୁ ଦୃଷ୍ଟିରେ ରଖି କର୍ମଚାରୀମାନେ ଦୀର୍ଘଦିନ ହେଲା ବେଲଆଉଟ ପ୍ୟାକେଜ ଦେବାକୁ ଦାବି କରୁଥିଲେ ଆଉ ଏଥିପାଇଁ ସରକାର ଏବେ ବେଲଆଉଟ ପ୍ୟାକେଜ ଦେବାକୁ ଚିନ୍ତା କରୁଛନ୍ତି । ଏହାଛଡା ଅବସର ସୀମାକୁ ୬୦ରୁ ୫୮ ବର୍ଷ କରିବାକୁ ବି ସରକାର ଚିନ୍ତା କରୁଛନ୍ତି ।

Advertisement