ନୂଆଦିଲ୍ଲୀ, ୪/୩ (ଡ଼ିଏଚ) : ରାଷ୍ଟ୍ରୀୟ ବିଜ୍ଞାନ ଦିବସ ଅବସରରେ ବିଜ୍ଞାନ ଓ ପ୍ରଯୁକ୍ତିର ବିଭିନ୍ନ କ୍ଷେତ୍ରରେ ପ୍ରତିଷ୍ଠିତ ମହିଳା ବୈଜ୍ଞାନିକଙ୍କ ନାମରେ ୧୧ଟି ଚେୟାର ଘୋଷଣା କରିଛନ୍ତି । ଏହା ବିଭିନ୍ନ କ୍ଷେତ୍ରରେ ଉତ୍କର୍ଷ ହାସଲ ଲାଗି ଯୁବ ମହିଳା ଗବେଷକମାନଙ୍କୁ ଅନୁପ୍ରାଣିତ, ଉତ୍ସାହିତ ଏବଂ ସଶକ୍ତ କରିବା ସହିତ ଉପଯୁକ୍ତ ମାନ୍ୟତା ପ୍ରଦାନ କରିବ ।
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ମହିଳା ସଶକ୍ତିକରଣ ଲାଗି ବିଭିନ୍ନ ଯୋଜନା ଘୋଷଣା କରିଛନ୍ତି । ଏହି ବର୍ଷର ରାଷ୍ଟ୍ରୀୟ ବିଜ୍ଞାନ ଦିବସର ବାର୍ତ୍ତା – ‘ବିଜ୍ଞାନରେ ମହିଳା’ ଅନୁରୂପ ଏହି ପ୍ରସ୍ତାବକୁ ମଞ୍ଜୁରି ମିଳିଛି ।
କୃଷି, ଜୈବପ୍ରଯୁକ୍ତି, ଇମ୍ୟୁନୋଲୋଜି, ଫାଇଟୋମେଡିସିନ, ଜୈବରସାୟନ, ଭେଷଜ, ସାମାଜିକ ବିଜ୍ଞାନ, ଭୂ-ଭିଜ୍ଞାନ ଓ ପାଣିପାଗ, ଇଞ୍ଜିନିୟରିଂ, ଗଣିତ ଏବଂ ପଦାର୍ଥ ବିଜ୍ଞାନ ଓ ମୌଳିକ ଗବେଷଣା ଲାଗି ୧୧ଟି ଚେୟାର ପ୍ରତିଷ୍ଠା କରାଯାଇଛି ।
ପ୍ରଖ୍ୟାତ ନୃତତ୍ତ୍ଵବିତ ଡଃ ଇରାବତୀ କର୍ବେଙ୍କ ନାମରେ ଗୋଟିଏ ଚେୟାର ପ୍ରତିଷ୍ଠା କରାଯାଇଛି ।
କ୍ରମିକ ସଂଖ୍ୟା
ବୈଜ୍ଞାନିକଙ୍କ ନାମାନୁସାରେ ଚେୟାର
ବୈଜ୍ଞାନିକଙ୍କ ସହ ଜଡିତ କ୍ଷେତ୍ର
୧.
ଡଃ ଅର୍ଚନା ଶର୍ମା (୧୯୩୨-୨୦୦୮) ପ୍ରଖ୍ୟାତ ସାଇଟୋଜେନେଟିଷ୍ଟ
କୃଷି ଏବଂ ଆନୁସଙ୍ଗିକ ଗବେଷଣା
୨.
ଡଃ ଜାନକୀ ଅମ୍ମଲ (୧୮୯୭-୧୯୮୪) ଅଗ୍ରଣୀ ଉଦ୍ଭିଦ ବିଜ୍ଞାନୀ
ଜୈବପ୍ରଯୁକ୍ତି
୩.
ଡଃ ଦର୍ଶନ ରଙ୍ଗନାଥନ (୧୯୪୧-୨୦୦୧) ଜୈବରସାୟନ
ଇମ୍ୟୁନୋଲୋଜି
୪.
ଡଃ ଅଶୀମା ଚାଟାର୍ଜୀ (୧୯୧୭-୨୦୦୬) ବିଶିଷ୍ଟ ରସାୟନବିତ
ଜୈବରସାୟନ, ଫାଇଟୋମେଡିସିନ
୫.
ଡଃ କାଦମ୍ବିନୀ ଗାଙ୍ଗୁଲୀ (୧୮୬୧-୧୯୨୩)
ଭେଷଜ ବିଜ୍ଞାନ
୬.
ଡଃ ଇରାବତୀ କର୍ବେ (୧୯୦୫-୧୯୭୦) ମାନବ ଅଧ୍ୟୟନ
ସାମାଜିକ ବିଜ୍ଞାନ
୭.
ଡଃ ଆନ୍ନା ମଣି (୧୯୧୮-୨୦୦୧) ବିଶିଷ୍ଟ ଭାରତୀୟ ପାଣିପାଗ ବୈଜ୍ଞାନିକ
ପାଣିପାଗ ବିଜ୍ଞାନ
୮.
ଡଃ ରାଜେଶ୍ଵରୀ ଚାଟାର୍ଜୀ (୧୯୨୨-୨୦୧୦) କର୍ଣ୍ଣାଟକର ପ୍ରଥମ ମହିଳା ଇଞ୍ଜିନିୟର
ଇଞ୍ଜିନିୟରିଂ
୯.
ଡଃ ରମଣ ପରିମାଳା (ବି.୧୯୪୮) ଗଣିତଜ୍ଞ (ଭଟନାଗର ପୁରସ୍କାର,୧୯୮୭)
ଗଣିତଜ୍ଞ
୧୦.
ବିଭା ଚୌଧୁରୀ (୧୯୧୩-୧୯୯୧)
ପଦାର୍ଥ ବିଜ୍ଞାନ
୧୧.
କମଳ ରଣଦିବେ (୮ ନଭେମ୍ବର ୧୯୧୭-୨୦୦୧) (ଭେଷଜ)
ଜୈବ ଚିକିତ୍ସା ଗବେଷଣା
