ବ୍ରହ୍ମପୁର,୧୩।୦୫(ଇ ରଞ୍ଜନ):-ଗଞ୍ଜାମ ଜିଲ୍ଲା ସଦରଥାନା ଅନ୍ତର୍ଗତ ବେନ୍ଧାଳିଆ ଗାଁରେ ଯୁବକକୁ ମରଣାତ୍ମକ ଆକ୍ରମଣ ଘଟଣା ଘଟିଛି। ଗାଁର ପିଣ୍ଟୁ ସେଠୀ ନାମକ ଯୁବକ ନିଜ କାର୍ଯ୍ୟ ନିମନ୍ତେ ବାଇକରେ ବାହାରକୁ ଯାଉଥିବା ବେଳେ, ଗାଁ ବାହୁଦା ବ୍ରିଜ ନିକଟରେ ତାଙ୍କୁ ପିଛା କରି ତାଙ୍କୁ ଆକ୍ରମଣ କରିଛନ୍ତି l ଏହି ଘଟଣା ରେ ପୁଲିସ ଭାଲୁ ଓରଫ ଶିବଶଙ୍କର ସାହୁ ଓ ତାଙ୍କର ତିନି ଜଣ ଅଜଣା ସହଯୋଗୀ ମରଣାନ୍ତକ ଆକ୍ରମଣ କରି ଘଟଣା ସ୍ଥଳ ରୁ ଚମ୍ପଟ ମାରିଥିବା ଖବର ମିଳିଛି ସେମାନେ ପିଣ୍ଟୁ ଙ୍କୁ ଧାରୁଆ ଅସ୍ତ୍ର ରେ ଆକ୍ରମଣ କରିଥିବା ସୂଚନା ରହିଛି । ଏହି ଘଟଣା ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ଆକ୍ରମଣ ହୋଇଥିବା ଆଲୋଚନା ହୋଇଛି ।ସେଠାରେ ଗୁରୁତର ଅବସ୍ଥା ରେ ପଡିଥିବା ବେଳେ ତାଙ୍କୁ ସକାଳ ବୁଲାବୁଲି ପାଇଁ ବାହାରିଥିବା କିଛି ପ୍ରତ୍ୟକ୍ଷଦର୍ଶୀଙ୍କୁ ଚିହ୍ନଟ କରିଥିବା ବେଳେ ଆହତ ପିଣ୍ଟୁଙ୍କ ଘର ଲୋକଙ୍କୁ ସୂଚନା ଦେଇଥିଲେ ପରେ ତାଙ୍କ ପରିବାର ପକ୍ଷରୁ ଆହତ ଙ୍କୁ ଏମକେସିଜି ମେଡିକାଲରେ ଭର୍ତ୍ତି କରିଥିଲେ। ତାଙ୍କ ଦୁଇ ହାତ ଓ ମୁଣ୍ଡରେ ଗୁରୁତର ଆଘାତ ଲାଗିଛି। ପ୍ରାଥମିକ ଚିକିତ୍ସା ପରେ ତାଙ୍କୁ ଭୁବନେଶ୍ୱର ଏମ୍ସକୁ ସ୍ଥାନାନ୍ତର କରାଯାଇଥିବା ସୂଚନା ରହିଛି । ବର୍ତ୍ତମାନ ତାଙ୍କ ଅବସ୍ଥା ସ୍ଥିର ରହିଛି।ଘଟଣା ପରେ ଅଭିଯୁକ୍ତମାନେ ଫେରାର ହୋଇଯାଇଛନ୍ତି। ଘଟଣା ସ୍ଥଳରେ ବ୍ରହ୍ମପୁର ଏସପି ଓ ଏସଡିପିଓ ସଦର ପହଞ୍ଚି ତଦନ୍ତ କରିଛନ୍ତି। ଅଞ୍ଚଳରେ ପୋଲିସ ପାଟ୍ରୋଲିଂ ବଢ଼ାଇବା ସହ ଅଭିଯୁକ୍ତଙ୍କୁ ଧରିବା ପାଇଁ ଧରପଗଡ଼ ଜାରିରହିଛି l
