ବ୍ରହ୍ମପୁର,୦୯/୮(ଡ଼ି.ଏଚ/ବ୍ୟୁରୋ): ପୁଅର ଛୁରାମାଡରେ ବାପା ମୃତ । ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ମହାଛାଇ ଗାଁରେ ଘଟିଛି ଏଭଳି ଅଭାବନୀୟ ଘଟଣା । ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ପୋଲିସ ।
ସୂଚନାଯୋଗ୍ୟ ଯେ, ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ମହାଛାଇ ଗାଁରେ ପୁଅର ଛୁରାମାଡରେ ବାପାଙ୍କର ମୃତ୍ୟୁ ଘଟିଛି । ଟଙ୍କା ନଦେବାରୁ ବାପାକୁ ଛୁରାମାଡ କରିଛି ପୁଅ । ମୃତକ ହେଲେ କରୁଣାକର ସାହୁ । ହତ୍ୟାକାରୀ ପୁଅ ପ୍ରତାପ ସାହୁ ଘଟଣା ପରେ ଫେରାର ହୋଇଯାଇଛନ୍ତି । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
