ଗଜପତି,୯/୧୧(ପ୍ରଭାତ ପାତ୍ର) : ଦାୟିତ୍ଵ ଭୁଲିଗଲେ ତନଖି କର୍ମଚାରୀ। ଗାଡ଼ି ସହ ଅଟକିଲେ ଗର୍ଭବତୀ ମହିଳା। ଗାରାବନ୍ଧ ନିକଟରେ ତନଖି ସମୟରେ ପୋଲିସ ଓ ପରିବହନ ବିଭାଗ କର୍ମଚାରୀ ଦ୍ବାରା କାରସହ ଗର୍ଭବତୀ ମହିଳା ଓ ଶିଶୁ ଦିର୍ଘ ସମୟ ଧରି ଅଟକ ରହିଛନ୍ତି। ମହିଳା ଜଣକ ହେଲେ କୋତୁରୁ ଗାଁର କାରର କାଗଜ ପତ୍ର ଯାଞ୍ଚ ପରେ ଅଟକ ରହିଛନ୍ତି ଏମ ପ୍ରସାଦଙ୍କ ପତ୍ନୀ ଏମ ସିଭାଦେବୀ। ଚିକିତ୍ସା ପାଇଁ ଇଚ୍ଛାପୁର ଏକ କାର ଯୋଗେ ଯିବା ସମୟରେ କାଗଜ ପତ୍ର ଯାଞ୍ଚ କରିଥିଲେ କର୍ମଚାରୀ। ତେବେ ଓଡିଶା ରାସ୍ତା ଅତିକ୍ରମ ନିମନ୍ତେ ଟ୍ୟାକ୍ସ ଓ ପରମିଟ ନଥିବାରୁ ଗାଡ଼ିକୁ ଥାନାରେ ରଖାଯାଇଛି। ତେବେ ସେହି କାରରେ ଚିକିତ୍ସା ପାଇଁ ଯାଉଥିବା ଗର୍ଭବତୀ ମହିଳାଙ୍କ ପ୍ରତି ନୈତିକ କର୍ତ୍ତବ୍ୟ କରିବା ଭୁଲିଗଲେ କର୍ମଚାରୀ। ଫଳରେ ଘଟଣାସ୍ଥଳରେ ଦୀର୍ଘ ସମୟଧରି ଅଟକି ରହିଛନ୍ତି ଗର୍ଭବତୀ। ତେବେ ଏହିପରି ଅମାନବିକତା ଆଚରଣ ପାଇଁ ସାଧାରଣରେ ନିନ୍ଦା କରାଯାଇଛି। ଏମଭିଆଇ ଗଜପତି ଉପସ୍ଥିତ ଥିଲେ ମଧ୍ୟ ଗର୍ଭବତୀଙ୍କ ପାଇଁ କୈାଣସି ବ୍ୟବସ୍ଥା କରାଯାଇ ନାହିଁ।
