ବଲାଙ୍ଗୀର, ୧୯ ।୬(ଦେବବ୍ରତ ଗୁରୁ): ସୋନପୁର ଜିଲ୍ଲା ସୋନପୁର ସହରରେ ଭାରତୀୟ ଷ୍ଟେଟ୍ ବ୍ୟାଙ୍କ ମୁଖ୍ୟ ଶାଖାରେ ଖାତା ଖୋଲିଥିବା ଜଣେ ମହିଳାଙ୍କ ବ୍ୟାଙ୍କ ଆକାଉଣ୍ଟରୁ ୧ ଲକ୍ଷ ଟଙ୍କା ଗାଏବ । ବୌଦ୍ଧ ଜିଲ୍ଲା ନୁର୍ପା ଗାଁର ସଂଯୁକ୍ତା ପଟ୍ଟନାଏକ ତାଙ୍କ ଖାତାରୁ ବିଭିନ୍ନ ପର୍ଯ୍ୟ।ୟରେ ୧ ଲକ୍ଷ ଟଙ୍କା ଠକି ନେଇଛନ୍ତି ସାଇବର ଅପରାଧୀ । ଏ ନେଇ ମହିଳା ସୋନପୁର ଥାନା ଏବଂ ଭାରତୀୟ ଟେଷ୍ଟ ବ୍ୟାଙ୍କ ସୋନପୁର ଶାଖାରେ ଲିଖିତ ଅଭିଯୋଗ କରିଛନ୍ତି । ଗତ ୧୬ ତାରିଖ ଦିନ ସଂଯୁକ୍ତା ଏଟିଏମରୁ ୩ ହଜାର ଟଙ୍କା
ଉଠାଇଥିଲେ । ଏହାପରେ ମିନି ଷ୍ଟେଟ ମେଣ୍ଟ କାଢିଲାବେଳକୁ ତାଙ୍କ ଏକାଉଣ୍ଟରୁ ଲକ୍ଷେ ଟଙ୍କା ଉଠାଇ ନେଇଥିବା ଜାଣିପାରିଥିଲେ । ଠକ ଜଣଙ୍କ ଦଶ ଥର ୧୦ ହଜାର ଟଙ୍କା ଲେଖାଏଁ ଏକାଉଣ୍ଟରୁ ନେଇଯାଇଥିବା ଜଣାପଡିଛି । ସୋନପୁର ପୋଲିସ ଏକ ସାଇବର ଠକେଇ ମାମଲା ରୁଜ୍ଜୁ କରି ତଦନ୍ତ କରୁଛି । ଏପଟେ ଷ୍ଟେଟ ବ୍ୟାଙ୍କ ମଧ୍ୟ ତାର ତଦନ୍ତ ଆରମ୍ଭ କରିଛି ।
