କଳାହାଣ୍ଡି,୧୨/୦୪ (କୁଲମଣି ସାହୁ) : ଲକଡାଉନ ସମୟରେ ଭବାନୀପାଟଣା ରାମନଗର ପଡ଼ା ଠାରେ ଦେଖିବାକୁ ମିଳିଛି ଏକ ଅଭାବନୀୟ ଦୃଶ୍ୟ । ଜଣେ ବୃଦ୍ଧର ଶବ ଦୁଇ ଦିନ ହେଲା ଘରେ ପଡି ରହିଥିଲା । ବିଶ୍ବରେ କରୋନା ମହାମାରୀ ଆତଙ୍ଗ ଖେଳି ଯାଇଥିବା ଯୋଗୁଁ ଲୋକେ ଘରୁ ବାହାରୁ ନାହାନ୍ତି । ଫଳରେ ଶବ ଘରେ ପଡି ରହିଥିଲା । ବୃଦ୍ଧର ନାମ ହେଉଛି ରମେଶ ନରିଆ, ବୟସ ୭୫ ବର୍ଷ । ବହୁତ ବର୍ଷ ହେବ ସିଏ ରାମନଗର ପଡ଼ାରେ ରହୁଥିଲେ । ପରିବାର ଲୋକେ କହିଲେ କିଛି ଦୂର ସମ୍ପର୍କୀୟ । ଶବ ପଡିଥିବା ଖବର ପାଇ ସ୍ଥାନୀୟ ୟୁଥ କମିଟିର ଚିନ୍ମୟ ମିଶ୍ର ,ସୁମିତ ନାଗ , ଜଗନ୍ନାଥ ନାଏକ , ରବି ଶଙ୍କର ଆଚାରି , ଓଁ ମେହେର , ଶିବ ଆଚାରି , ପୂର୍ଣ୍ଣ ଅହୀର ସମସ୍ତେ ମିଶି ଶବ ବାହାରକୁ ଆଣି ଅନ୍ତିମ ସଂସ୍କାର କରିବାକୁ ମୁକ୍ତିଧାମ ସ୍ମଶାନକୁ ନିଆଗଲା । ଏହି ସ୍ବେଚ୍ଛାସେବୀ ମାନଙ୍କର କାର୍ଯ୍ୟକୁ ଜିଲ୍ଲାରେ ପ୍ରଶଂସା କରାଯାଉଛି ।
