ଭୁବନେଶ୍ୱର,୧୭ା୧୧(ଡି.ଏଚ ) :ନିଜ ନିଷ୍ପତ୍ତିର ମାଲିକ ନିିଜେ ହେବା ଉଚିତ। ସ୍ଵ ଇଛାରେ ଉପଯୁକ୍ତ ଅନୁଯାୟୀ କ୍ୟାରିୟର କରିବା ଦରକାର। କେବଳ ସାର୍ଟିଫିକେଟ୍ ପାଇଁ ପାଠ ନ ପଢି ରୁଚି ଓ ଇଚ୍ଛା ଅନୁଯାୟୀ ବିଦ୍ୟା ଅଧ୍ୟୟନ କରି ଭବିଷ୍ୟତ ଗଢିବା ଦରକାର। ଦାରିଦ୍ର୍ୟରୁ ମୁକ୍ତି ପାଇଁ ବିଦ୍ୟା ଅଧ୍ୟୟନ କରିବା ଦରକାର। ଭୁବନେଶ୍ୱରସ୍ଥିତ ନୀଳାଚଳ ପଲିଟେକନିକର ଶନିବାର ୨୩ତମ ପ୍ରତିଷ୍ଠା ସମାରୋହରେ ଯୋଗଦେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହା କହିଛନ୍ତି। ଶହୀଦ ବାଜି ରାଉତ, ଧର୍ମପଦଙ୍କ ସାହସିକତା ଏବଂ ଏପିଜେ ଅବୁଦଲ କଲାମଙ୍କ ଦୃଢ଼ ଇଚ୍ଛାଶକ୍ତି ଓ ଦୂରଦୃଷ୍ଟି ସମ୍ପର୍କରେ ଉଲ୍ଲେଖ କରି ଧର୍ମେନ୍ଦ୍ର ଉପସ୍ଥିତ ଛାତ୍ରୀଛାତ୍ରଙ୍କୁ ଉତ୍ସାହିତ କରିଥିଲେ। ରୋଜଗାର, ପାଠପଢା ବ୍ୟତୀତ ଗୌରବଶାଳୀ ରାଜ୍ୟ ଓଡ଼ିଶାକୁ ଆଗକୁ ନେବାର ଆବଶ୍ୟକତା ରହିଛି। ଅନ୍ୟ ରାଜ୍ୟର ଲୋକମାନେ ଓଡ଼ିଶାର ସମ୍ପନ୍ନତା ଆଣିପାରିବେ ନାହିଁ। ଓଡ଼ିଆ ଯୁବପିଢ଼ିଙ୍କୁ ହିଁ ଓଡ଼ିଶାର ସମ୍ପନ୍ନତା ଆଣିବାକୁ ଉଦ୍ୟମ କରିବାକୁ ପଡିବ । ସେମାନେ ଯେବେ ନିଜେ ମାଲିକ ହେବାର ପ୍ରତିଜ୍ଞା କରିବେ ପୁନର୍ବାର ଓଡ଼ିଶାର ୧ ହଜାର ପୂର୍ବର ସମ୍ପନ୍ନତା ଫେରିପାରିବ ବୋଲି ଧର୍ମେନ୍ଦ୍ର କହିଥିଲେ। ଏହି ଅବସରରେ ସେ ନୀଳାଚଳ ପଲିଟେକନିକର ନୂଆ ୱେବସାଇଟ୍କୁ ଉନ୍ମୋଚନ କରିଥିଲେ।
