Friday, November 20, 2026
ADVERTISEMENT
Home ଆଞ୍ଚଳିକ ଧରାକୋଟ ନିବାସୀ ରାମଚନ୍ଦ୍ର ରଥ, ଓଡ଼ିଶା ପ୍ରଶାସନିକ ସେବାରେ ୨୨ତମ ସ୍ଥାନ ରଖି ଉତ୍ତୀର୍ଣ୍ଣ

ଧରାକୋଟ ନିବାସୀ ରାମଚନ୍ଦ୍ର ରଥ, ଓଡ଼ିଶା ପ୍ରଶାସନିକ ସେବାରେ ୨୨ତମ ସ୍ଥାନ ରଖି ଉତ୍ତୀର୍ଣ୍ଣ

289
ADVERTISEMENT

ଧରାକୋଟ,୧୦।୧(ଡି.ଏଚ/ଗୁରୁ ପ୍ରସାଦ ): ଧରାକୋଟ ଗଡର କୋଠରୀ ସାହି ନିବାସୀ ରାମଚନ୍ଦ୍ର ରଥ ଓ ବିଷ୍ଣୁ କୁମାରୀ ନାୟକଙ୍କ ପୁତ୍ର ପ୍ରୀତି ରଞ୍ଜନ ରଥ ଓଡ଼ିଶା ପ୍ରଶାସନିକ ସେବାରେ 22ତମ ସ୍ଥାନ ରଖି ଉତ୍ତୀର୍ଣ୍ଣ ହୋଇଛନ୍ତି । ପ୍ରୀତି ରଞ୍ଜନ ଧରାକୋଟ ଶ୍ରୀ ରାଜ ଉଚ୍ଚ ବିଦ୍ୟାଳୟରେ 8ମ ଶ୍ରେଣୀ ପଢିବା ପରେ ବ୍ରହ୍ମପୁର ରାମହରି ନଗର ଶିଶୁ ମନ୍ଦିରରେ 10ମ ଶ୍ରେଣୀ ପଢି ଉତ୍ତୀର୍ଣ୍ଣ ହୋଇଥିଲେ । ଏହା ପରେ ଖଲ୍ଲିକୋଟ ଜୁନିୟର କଲେଜରେ ଯୁକ୍ତ2 ରେ ଅଧ୍ୟୟନ କରିଥିଲେ । ଏହା ପରେ ଓଡିଶା କୃଷି ବୈଷୟିକ ବିଶ୍ୱ ବିଦ୍ୟାଳୟରୁ ଯୁକ୍ତ3 ଏବଂ ଇନ୍ଦିରା ଗାନ୍ଧୀ କୃଷି ବିଶ୍ୱ ବିଦ୍ୟାଳୟ ରାୟପୁରରୁ ସ୍ନାତକୋତ୍ତରରେ ଉତ୍ତୀର୍ଣ୍ଣ ହୋଇଥିଲେ । ପ୍ରଥମ ଥର ପାଇଁ ଓଡ଼ିଶା ପ୍ରଶାସନିକ ସେବା ପରୀକ୍ଷାରେ ଯୋଗ ଦେଇ 22 ନଂ ରେଙ୍କରେ ଉତ୍ତୀର୍ଣ୍ଣ ହୋଇଛନ୍ତି । ତାଙ୍କରି ପିତା ରାଜସ୍ୱ ବିଭାଗର ଅବସର ପ୍ରାପ୍ତ କର୍ମଚାରୀ ହୋଇଥିବା ବେଳେ ମାତା ଜଣେ ଶିକ୍ଷୟତ୍ରୀ ଅଟନ୍ତି । ଆଗାମୀ ଦିନରେ ପ୍ରଶାସନିକ ସେବାକୁ ଗୁରୁତ୍ୱ ଦେବା ସହ ସାଧାରଣ ଜନତା ଯେପରି ସୁଫଳ ପାଇବେ ସେ ଦିଗରେ ନିଷ୍ଠାର ସହ କାମ କରିବେ ବୋଲି ପ୍ରୀତି ରଞ୍ଜନ କହିଛନ୍ତି । ପ୍ରୀତି ରଞ୍ଜନ ପ୍ରଶାସନିକ ସେବା ପରୀକ୍ଷାରେ 22 ନଂ ରେଙ୍କରେ ଉତ୍ତୀର୍ଣ୍ଣ ହେବା ଧରାକୋଟ ଅଞ୍ଚଳ ପାଇଁ ଗୌରବର ବିଷୟ ପାଲଟିଛି ଏବଂ ଧରାକୋଟ ଅଂଚଳରେ ଅନନ୍ଦର ଲହରୀ ଛୁଟିଯାଇଛି ।

Advertisement