ବ୍ରହ୍ମପୁର,୨୭/୧୦(ଡି.ଏଚ ବ୍ୟୁରୋ):-ବ୍ରହ୍ମପୁର କେ. ନୂଆଗାଁ ଥାନା ପୋଲିସଏକ ଅପହରଣ ମାମଲାର ତଦନ୍ତ କରି ୯ଜଣ ଅଭିଯୁକ୍ତଙ୍କୁ ଗିରଫ କରି ସେମାନଙ୍କ ନିକଟରୁ ଦୁଇଟି ପିସ୍ତଲ, ୫ ରାଉଣ୍ଡ୍ ଗୁଳି ଓ ୩ଟି ଖଣ୍ଡା ଜବତ କରିଛି । ଗିରଫ ଅଭିଯୁକ୍ତମାନେ ହେଲେ କେ. ନୂଆଗାଁ ଥାନା ଅନ୍ତର୍ଗତ ଦେଖାଳି ଗ୍ରାମର କୁନା ପ୍ରଧାନ, ପୁଡ଼ୁଗେଶ୍ବରପଲ୍ଲୀର ଆଦିତ୍ୟ ନାହାକ, ତେନ୍ତୁଆପଡ଼ାର ଲାଲୁ ପ୍ରସାଦ ସେଠୀ, ଜକର ଗ୍ରାମର ରାଜୁ ଗୌଡ଼, କୁମରଡ଼ାର ଆସିଫ୍ ଖାନ୍ ଓ କୃଷ୍ଣଚନ୍ଦ୍ର ସେଠୀ, ଦିଗପହଣ୍ଡି ବଡ଼ଡୁମୁଳା ଗ୍ରାମର ପ୍ରସାଦ ଗୌଡ଼, ଜରଡ଼ା ଥାନା ଅଂଚଳର ସଂଜୟ କୁମାର ରଣା ଏବଂ ଆସିକା କୋଟିନଡ଼ାର ରୋଶନ ମହାନ୍ତି ।
