Wednesday, November 18, 2026
ADVERTISEMENT
Home ଆଞ୍ଚଳିକ ୨ୟ ପର୍ଯ୍ୟାୟ ଥର୍ମାଲ ସ୍କ୍ରିନର ଶୁଭାରମ୍ଭ କଲେ ଜିଲ୍ଲାପାଳ

୨ୟ ପର୍ଯ୍ୟାୟ ଥର୍ମାଲ ସ୍କ୍ରିନର ଶୁଭାରମ୍ଭ କଲେ ଜିଲ୍ଲାପାଳ

281
ADVERTISEMENT

ହିଞ୍ଜିଳିକାଟୁ,୯/୬,(ଶେଷଦେବ ସାହୁ) :ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେଙ୍କ ନିର୍ଦ୍ଦେଶ ଅନୁଯାୟୀ ଏହି ସ୍କ୍ରିନିଂରେ ୩.୫ ଲକ୍ଷରୁ ଅଧିକ ଜନସାଧାରଣ ରହିବେ। ସମସ୍ତ ଜନସାଧାରଣ ପାଇଁ ମେଗା ସ୍ୱାସ୍ଥ୍ୟ ସ୍କ୍ରିନିଂ କାର୍ଯ୍ୟକ୍ରମର ଦ୍ୱିତୀୟ ପର୍ଯ୍ୟାୟ ଆଜି ହିଂଜିଳିକାଟୁ ବ୍ଳକ ଅନ୍ତର୍ଗତ ମକରଝୋଳ ଗ୍ରାମରେ ଆରମ୍ଭ ହୋଇଯାଇଛି । ସ୍କ୍ରିନିଂ ପ୍ରକ୍ରିୟା ସମୟରେ, ସ୍ୱତନ୍ତ୍ର ଦଳ କୋଭିଡ-୧୯ ସମ୍ବନ୍ଧୀୟ ଲକ୍ଷଣ ଏବଂ ଘର କ୍ୱାରଣ୍ଟିନ ସମସ୍ୟା ପାଇଁ ଯାଞ୍ଚ କରିଥିଲେ । ପ୍ରଥମ ପର୍ଯ୍ୟାୟରେ ସମଗ୍ର ଜିଲ୍ଲାରେ ନିଆଯାଇଥିବା ସମାନ ସ୍ୱାସ୍ଥ୍ୟ ପରୀକ୍ଷଣ ଏପ୍ରିଲ ୧୪ ରେ ଶେଷ ହୋଇଥିଲା ଗଞ୍ଜାମରେ ଏଭଳି ପ୍ରମୁଖ ସ୍କ୍ରିନିଂ ଏକ ଅତ୍ୟନ୍ତ ଆବଶ୍ୟକତା, କାରଣ ବର୍ତ୍ତମାନ ପର୍ଯ୍ୟନ୍ତ ଦୁଇ ଲକ୍ଷରୁ ଅଧିକ ପ୍ରବାସୀ ଗଞ୍ଜାମ ଜିଲ୍ଲାକୁ ଫେରିଛନ୍ତି ଏବଂ ପ୍ରତ୍ୟାବର୍ତ୍ତନକାରୀଙ୍କ ପ୍ରବାହ ଜାରି ରହିଛି। ବର୍ତ୍ତମାନ ପର୍ଯ୍ୟନ୍ତ ୫୯୮ ଟି ପଜିଟିଭ୍ ମାମଲା ଥିବାବେଳେ ଗଞ୍ଜାମରେ ସର୍ବାଧିକ ସକାରାତ୍ମକ ମାମଲା ରହିଛି, ଏଥିରେ ଚାରି ଜଣଙ୍କର ମୃତ୍ୟୁ ଘଟିଛି। ବର୍ତ୍ତମାନ ଜିଲ୍ଲାର ୭୦ହଜାର ରୁ ଅଧିକ ଲୋକ ଘର କ୍ୱାରଣ୍ଟିନରେ ଅଛନ୍ତି।ହିଂଜିଳିକାଟୁ ବ୍ଲକ ଅନ୍ତର୍ଗତ ମକରଝୋଳ ଗ୍ରାମରେ ସମନ୍ୱିତ ଶିଶୁ ବିକାଶ ପ୍ରକଳ୍ପ ଅଧିକାରୀ ଶ୍ରୀ ଶୁଭଶ୍ରୀ ପାତ୍ରଙ୍କ ତତ୍ୱବାଧାନରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବେ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ପ୍ରସନ୍ନ କୁମାର ପାତ୍ର ଯୋଗ ଦେଇ ହେଲଥ ସ୍କ୍ରିନିଂ ଟେଷ୍ଟ ଶୁଭାରମ୍ଭ କରିଥିଲେ । ପ୍ରଥମ ପର୍ଯାୟ ରେ ସାଢେ ୩ଲକ୍ଷ ଲୋକଙ୍କର ସ୍ୱାସ୍ଥ୍ୟ ପରୀକ୍ଷା ହୋଇଥିଲା । ସେହିପରି ଦୂତୀୟ ପର୍ଯାୟରେ ଅଙ୍ଗନବାଡି କର୍ମୀ ଆଶା କର୍ମୀ ଓ ମେଡ଼ିକାଲ ଟିମ୍ ଦ୍ୱାରା ଘରକୁ ଘର ବୁଲି ଅଞ୍ଚଳର ପ୍ରାୟ ୭୦ଜଣ ଘରର ସଦସ୍ୟଙ୍କୁ ସ୍ୱାସ୍ଥ୍ୟ ପରୀକ୍ଷା ସହ ଥର୍ମାଲ ସ୍କ୍ରିନିଂ ଟେଷ୍ଟିଙ୍ଗ୍ କରାଯାଇଛି ।ଅନ୍ୟମାନଙ୍କ ମଧ୍ୟରେ ଗୋଷ୍ଠୀ ଶିକ୍ଷା ଅଧିକାରୀ ବସନ୍ତ କୁମାର ପଣ୍ଡା,ସ୍ଥାନୀୟ ସରପଞ୍ଚ,ସମିତି ସଭ୍ୟ,ଆଇସିଡିଏସ ସୁପରଭାଇଜର,ଅଙ୍ଗନବାଡି କର୍ମୀ,ଆଶା କର୍ମୀ ସ୍ୱାସ୍ଥ୍ୟ କର୍ମୀ ,ଶିକ୍ଷକ,ମହିଳା ସ୍ୱୟଂ ସହାୟକ ଗୋଷ୍ଠୀ,ଏନଏମ ପ୍ରମୁଖ ଘରକୁ ଘର ଯାଇ ସ୍ୱାସ୍ଥ୍ୟ ଯାଂଚ କରିବା ସହ ଥର୍ମାଲ ସ୍କ୍ରିନିଂ ତାପମାତ୍ରା ଯାଂଚ କରି କରୋନା ଲକ୍ଷ୍ୟଣ ସଂପର୍କରେ ପଚାରି ବୁଝିଛନ୍ତି । ଏହା ସହ ଯେଉଁମାନଙ୍କ ଜ୍ୱର, କାଶ, ଥଣ୍ଡା, ଡ଼ାଇରିଆ ଏବଂ କରୋନା ଲକ୍ଷ୍ୟଣ ଦେଖାଯାଉଥିବ ସେମାନଙ୍କ ତଥ୍ୟ ସଂଗ୍ରହ କରାଯାଇଛି ବୋଲି ସମନ୍ୱିତ ଶିଶୁ ବିକାଶ ପ୍ରକଳ୍ପ ଅଧିକାରୀ ଶ୍ରୀ ଶୁଭଶ୍ରୀ ପାତ୍ର ସୂଚନା ଦେଇଛନ୍ତି ।

Advertisement