ସାନଖେମୁଣ୍ଡି,୧।୩,(ସପନ ଦାସ): ସାନଖେମୁଣ୍ଡି ବ୍ଲକ ଅନ୍ତର୍ଗତ ଗୌତମି ପଞ୍ଚାୟତ ନିକଟ ଦେଉଳପଡି ଗ୍ରାମରେ ଗତ ୨ଦିନ ଧରି ମା ଆଦିମାତା ମନ୍ଦିର ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଅଛି । ଏହି ଅନୁଷ୍ଠିତ କାର୍ଯ୍ୟକ୍ରମରେ ପ୍ରଥମ ଦିନରେ କଳସଯାତ୍ରା ଓ ନାମ ସଂକୀର୍ତ୍ତନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଆଜି ହୋମଯଜ୍ଞ, ୫୦୦୦ ଲୋକ ପାଇଁ ପ୍ରସାଦ ସେବନର ବ୍ୟବସ୍ତା ହେଇଥିଲା। କାର୍ଯ୍ୟକ୍ରମରେ ସାନଖେମୁଣ୍ଡି ବିଧାୟକଙ୍କ ପିତା ଶ୍ରୀ ଅରକ୍ଷିତ ଜେନା କାର୍ଯ୍ୟକ୍ରମରେ ଯୋଗଦେଇଥିଲେ। ଦେଉଳପଡି ଗ୍ରାମର ସଭାପତି ଶ୍ରୀ ରବୀନ୍ଦ୍ର ନାଥ ସ୍ୱାଇଁ, ପ୍ରଫୁଲ୍ଲ ସାମନ୍ତରା, ଯୁଧିଷ୍ଠିର ସାବତ, ବିଜୟ ଜେନା, ବିନୋଦ କୁମାର ଜେନା,କାଳିଆ ବେହେରା, ପି. ସୁରେନ୍ଦ୍ର, ତ୍ରିନାଥ ନାହାକ ଓ ଗ୍ରାମ୍ୟ କମିଟିଙ୍କ ସହ ଗ୍ରାମର ସମସ୍ତ ମାନ୍ୟଗଣ୍ୟ ବ୍ୟକ୍ତି ପ୍ରତିଷ୍ଠା ଉତ୍ସବରେ ଯୋଗଦେବା ସହ ସହଯୋଗ କରିଥିଲେ।


















