ଗଜପତି,୧୮/୨(ସାହେବ ନାୟକ) : ଗଜପତି ଜିଲ୍ଲା ଆର୍. ଉଦୟଗିରି ବ୍ଲକ୍ ରାମଗିରି ଗ୍ରାମପଂଚାୟରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା । ଯଦି ରକ୍ଷକ ଏଠି ଭକ୍ଷକ ସାଜେ ତାହାହେଲେ ଗୁହାରି କରିବାକୁ କାହାକୁ ଏହି ନ୍ୟାୟରେ ରାମଗିରି ପଂଚାୟତବାସୀ, ସରପଂଚ, ସମିତି ସଭ୍ୟ ଅନିର୍ଦ୍ଧିଷ୍ଟ କାଳ ପାଇଁ ପଂଚାୟତ କାର୍ଯ୍ୟାଳୟକୁ ତାଲା ପକାଇ ଦେଇଛନ୍ତି । ସୂଚନା ଯୋଗ୍ୟ, ରାମଗିରି ପଂଚାୟତ ସରପଂଚ ଆଦିକନ୍ଦ ବାବୁ, ସମିତି ସଭ୍ୟ ଗୋପବନ୍ଧୁ ପଟ୍ଟନାୟକ ଓ ସମସ୍ତ ୱାର୍ଡମେମ୍ବର ଏବଂ ଗ୍ରାମବାସୀଙ୍କ ଉପସ୍ଥିତିରେ ଏକ ସର୍ଭେ କରାଯାଇ ୪୨୩ଜଣଙ୍କୁ ଇନ୍ଦିରା ଆବାସ, ବିଜୁ ପକ୍କାଘର, ମୋକୁଡ଼ିଆ, ପ୍ରଧାନମନ୍ତ୍ରୀ ଆବାସ ଯୋଜନାରେ ସାମିଲ କରାଯାଇଥିଲା । କିନ୍ତୁ ପରିତାପର ବିଷୟ ପଂଚାୟତ କାର୍ଯ୍ୟାଳୟ ପକ୍ଷରୁ କରାଯାଇଥିବା ସର୍ଭେରେ କୌଣସି ହିତାଧାରୀଙ୍କ ନାମ ନଥିବା ନେଇ ଉତ୍କ୍ଷିପ୍ତ ହୋଇଛନ୍ତି ଗ୍ରାମବାସୀ । ସରକାର ଏଠି ୫ଟିକୁ ନେଇ ଡିଣ୍ଡିମ ପିଟୁଥିବା ବେଳେ ଏଠାରେ ବିଡିଓ ଓ ଯନ୍ତ୍ରୀ, ପିଓମାନେ ନିଜେ ଗୋଟିଏ ଲିଷ୍ଟ ପ୍ରସ୍ତୁତ କରି ହାତଗୁଞ୍ଜା ନେଇ ଲୋକଙ୍କୁ ଉପରୋକ୍ତ ଯୋଜନାରେ ସାମିଲ କରୁଥିବା ସରପଂଚ ଓ ଜନସାଧାରଣ ଅଭିଯୋଗ କରି ପଂଚାୟତ ଅଫିସରେ ତାଲା ପକାଇ ଦେଇଛନ୍ତି । ଏହାର ତଦନ୍ତ ଶୀଘ୍ର ହେଲେ ପ୍ରକୃତ ଘଟଣା ସାମ୍ନାକୁ ଆସିବ ବୋଲି ଆମ ପ୍ରତିନିଧିଙ୍କୁ ରାମଗିରି ସରପଂଚ କହିଛନ୍ତି । ଯଦିଏହାଉପରେ କୌଣସି କାର୍ଯ୍ୟାନୁଷ୍ଠାନ ନହୁଏ ତାହାହେଲେ ପଂଚାୟତ ବାସୀ ରାଜରାସ୍ତାକୁ ଓହ୍ଲାଇବାକୁ ଧମକ ଦେଇଛନ୍ତି ।
