୨ଟି ଦକ୍ଷତା ବିକାଶ କେନ୍ଦ୍ରକୁ ଜିଲାପାଳଙ୍କ ପରିଦର୍ଶନ

147
ADVERTISEMENT

ଛତ୍ରପୁର, ୨୦/୬(ଦୁନିଆ ହାଲଚାଲ )-ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ ବୁଧବାର ଦିନ ଛତ୍ରପୁରଠାରେ ଥିବା ଦୀନଦୟାଲ ଉପାଧ୍ୟାୟ ଗ୍ରାମୀଣ କୌଶଲ୍ୟ ଯୋଜନା ଦକ୍ଷତା ବିକାଶ କେନ୍ଦ୍ର ଓ ବିଜୁ ଦକ୍ଷତା ବିକାଶ କେନ୍ଦ୍ର ପରିଦର୍ଶନ କରିଥିଲେ। କେନ୍ଦ୍ରରେ ଛାତ୍ରୀଛାତ୍ରମାନଙ୍କ ସହ ଆଲୋଚନା କରିବା ସହ ହଷ୍ଟେଲ, ରୋଷେଇ ଘର, ତାଲିମ କେନ୍ଦ୍ର, କ୍ଲାସ୍‌ ରୁମ୍‌ ଓ ପରିମଳ ବ୍ୟବସ୍ଥାର ଅନୁଧ୍ୟାନ କରିଥିଲେ। ହଷ୍ଟେଲରେ ଦିଆଯାଉଥିବା ଖାଇବା ପର୍ଯ୍ୟାପ୍ତ ବିଷୟରେ ଛାତ୍ରୀଛାତ୍ରଙ୍କ ପକ୍ଷରୁ ଜିଲାପାଳଙ୍କୁ ଅବଗତ କରାଯାଇଥିଲା। ଖାଦ୍ୟର ସୁଷମ ବଣ୍ଟନ ସହ ଏହାର ମାନ ଉପରେ ଜିଲାପାଳ ଗୁରୁତ୍ୱାରୋପ କରିଥିଲେ। ଛାତ୍ରୀମାନେ ହଷ୍ଟେଲରେ ରହୁଥିବାରୁ ସୁରକ୍ଷା ବ୍ୟବସ୍ଥା ବଢାଇବା, ଫାୟାର ସେଫ୍ଟି ଉପରେ ଧ୍ୟାନ ଦେବା, ଅଧିକରୁ ଅଧିକ ଗରିବ ଛାତ୍ରୀଛାତ୍ରମାନଙ୍କୁ ଏହି ୨ କେନ୍ଦ୍ରରେ ଭର୍ତ୍ତି କରିବାକୁ ଜିଲାପାଳ କହିଥିଲେ। ଦୀନଦୟାଲ ଉପାଧ୍ୟାୟ ଗ୍ରାମୀଣ କୌଶଲ୍ୟ ଯୋଜନା ଦକ୍ଷତା ବିକାଶ କେନ୍ଦ୍ରରେ ୧୫୬ ଛାତ୍ରୀଛାତ୍ର ପଢୁଛନ୍ତି। ଏଠାରେ ଡୋମେଷ୍ଟିକ୍‌ ଇଲେକ୍ଟ୍ରିସିଟି ଓ ସିଲେଇ ଶିକ୍ଷା ଦିଆଯାଉଛି। ସେହିପରି ବିଜୁ ଦକ୍ଷତା ବିକାଶ କେନ୍ଦ୍ରରେ ୭୦ ଜଣ ଛାତ୍ରୀଛାତ୍ର ଅଛନ୍ତି। ପରିମଳ ଓ ଚାରା ରୋପଣ ଉପରେ ଧ୍ୟାନ ଦେବାକୁ ଜିଲାପାଳ କହିଥିଲେ। ଜିଲାପାଳଙ୍କ ପରିଦର୍ଶନ ବେଳେ ଡିଆରଡିଏ ପିଡି ଦେବବ୍ରତ ସାହୁ, ଓରମାସ ସହକାରୀ ନିର୍ଦ୍ଦେଶକ ଜ୍ୟୋତି ପ୍ରକାଶ ମହାନ୍ତି, ଡିଆଇସିର ଜିଏମ୍‌ ସୂର୍ଯ୍ୟ ମାଧବ ପାଣିଗ୍ରାହୀ, ରିଜିଓନାଲ ଆସିଷ୍ଟାଣ୍ଟ ଡାଇରେକ୍ଟର (ଏମ୍ପ୍ଲୟମେଣ୍ଟ) ଆର୍‌ ଏମ୍‌ ଖିଲାନା ପ୍ରମୁଖ ଉପସ୍ଥିତ ଥିଲେ।

Advertisement