ପଦ୍ମପୁର,୧୭/୮(ଡ଼ି.ଏଚ/ବ୍ୟୁରୋ): ବରଗଡ଼ ଜିଲ୍ଲା ପଦ୍ମପୁରରେ ପାଣି ପାଇଁ ରାସ୍ତା ରୋକ । ପଦ୍ମପୁରରୁ ବଲାଙ୍ଗି ରାସ୍ତାରେ, ରାଜା ପଡ଼ା(ସାଇ) ଠାରେ ରାସ୍ତା ଉପରେ ପାଣି ବାଲଟି ରଖି ଲୋକେ ରାସ୍ତା ରୋକ୍ କରିଛନ୍ତି । ସୂଚନାନୁସାରେ, କିଛି ଦିନ ହେବ ପଦ୍ମପୁର ଅଞ୍ଚଳକୁ ପାଣି ସପ୍ଲାଏ ଆସୁନି କିମ୍ବା ବିକଳ୍ପ ବ୍ୟବସ୍ଥା ସ୍ୱରୂପ ପାଣିଟାଙ୍କିର ମଧ୍ୟ ବ୍ୟବସ୍ତ କରାଯାଉନାହିଁ । ତେଣୁ ଏହି ପଡ଼ାର ଲୋକ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଏଥିପାଇଁ ବାଧ୍ୟ ହୋଇ ସେମାନେ ରାସ୍ତା ରୋକ୍ କରିଛନ୍ତି । ଏବେ ରାସ୍ତାର ଦୁଇପଟେ ଗାଡି ମୋଟର ଅଟକି ହୋଇଛି ଓ ଲୋକେ ଯିବା ଆସିବା କରି ପାରୁନାହାନ୍ତି । ସମସ୍ୟାର ସମାଧାନ ନହେବା ଯାଏଁ ସେମାନେ ରାସ୍ତାରୁ ହଟିବେ ନାହଁ ବୋଲି କହୁଛନ୍ତି ।
