କୁକୁଡାଖଣ୍ଡି,୨୨/୩ (ଇ ରଞ୍ଜନ):-ନିମଖଣ୍ଡି ଥାନା ଅଧୀନ ଯୋଗିଆପଲୀ ମୁଖ୍ୟରାସ୍ତାରେ ପୂର୍ବ ଶତ୍ରୁତାକୁ କେନ୍ଦ୍ର କରି ଜଣେ ଯୁବକକୁ ବୋମା ମାଡ଼ ହୋଇଥିବା ଅଭିଯୋଗ ହୋଇଛି l ଭାବିନିପୁର ଗ୍ରାମର କାଳିଆ ପାତ୍ର ଓ ଯୋଗିଆପଲି ଗ୍ରାମର କାର୍ତିକ ପାତ୍ରଙ୍କ ମଧ୍ୟରେ ପୂର୍ବରୁ ଶତ୍ରୁତା ଥିଲା l ମଙ୍ଗଳବାର ଉଭୟ ଯୋଗିଆପଲି ମୁଖ୍ୟ ରାସ୍ତାରେ ଯିବାବେଳେ କାଳିଆ ସାଙ୍ଗରେ ଆଣିଥିବା ଏକ ବୋମା କାର୍ତିକର ପିଠିରେ ଫିଙ୍ଗି ଦେଇଥିଲା l ଫଳରେ ଉଭୟଙ୍କୁ ଗୁରୁତର ଅବସ୍ଥାରେ ବ୍ରହ୍ମପୁର ଏମକେସିଜିରେ ଭର୍ତି କରାଯାଇଛି l ବୋମା ମାଡ଼ ସମୟରେ କାଳିଆ ମଦ୍ୟପାନ କରି ଏହିପରି ବୋମା ମାଡ଼ କରିଥିବା ଜଣାପଡିଛି l ଘଟଣା ସ୍ଥଳରେ ନିମଖଣ୍ଡି ଥାନା ଅଧିକାରୀ ଭାବାନନ୍ଦ ପ୍ରଧାନ ଘଟଣାସ୍ଥଳରେ ପହଂଚି ତଦନ୍ତ ଚଳାଇଛି l ପୂର୍ବରୁ ନିମଖଣ୍ଡି ଥାନା ଅଧୀନରେ ଶ୍ରୀକ୍ଷେତ୍ର ବିହାର ରେ ପୋଲିସ ଉପରକୁ ବୋମା ମାଡ଼ ଓ ଫୁଲଟା ଗ୍ରାମରେ ଗ୍ରାମସଭା କୁ ନେଇ ଗ୍ରାମସଭା କୁ ନେଇ ଗ୍ରାମସଭାପତି ଙ୍କ ଘର ଉପରକୁ ବୋମା ମାଡ଼ ମଧ୍ୟ ହୋଇଥିଲା ଏହିଭଳି ଘଟଣା ବାରମ୍ବାର ବୃଦ୍ଧି ପାଉଥିବାରୁ ଲୋକଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଥିବା ଜଣା ପଡିଛି l
