ନୂଆଦିଲ୍ଲୀ,୨୪/୧୧,(ଡ଼ି.ଏଚ,ବ୍ୟୁରୋ) : ଭାରତର ବିଭିନ୍ନ ରାଜ୍ୟରେ କୋଭିଡ-୧୯ର ସ୍ଥିତି କିପରି ରହିଛି ସେନେଇ ଆଜି ବିଭିନ୍ନ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ମୁଖ୍ୟମନ୍ତ୍ରୀ ଏବଂ ପ୍ରତିନିଧିମାନଙ୍କ ସହିତ ବୈଠକ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଟିକା ବଣ୍ଟନର ରଣନୀତି କଣ ରହିବ ସେ ପ୍ରସଙ୍ଗରେ ପ୍ରଧାନମନ୍ତ୍ରୀ ଆଲୋଚନା କରିବା ନେଇ ସୂଚନା ମିଳିଛି । ଏହି ଭର୍ଚୁଆଲ ବୈଠକରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏବଂ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ସାମିଲ ହେବା ନେଇ ସୁତ୍ରରୁ ସୂଚନା ମିଳିଛି । କରୋନା ସ୍ଥିତି ନେଇ ପୂର୍ବରୁ ମଧ୍ୟ ପ୍ରଧାନମନ୍ତ୍ରୀ ମୋଦୀ ଅନେକ ଭର୍ଚୁଆଲ ବୈଠକ କରିସାରଛନ୍ତି । ଜାତୀୟ ସ୍ତରରେ ସଂକ୍ରମଣ ୫୦ହଜାରରୁ କମ ରହିଥିବା ବେଳେ କେତେକ ସହରରେ ସଂକ୍ରମଣ ହାର ବୃଦ୍ଧି କାରଣରୁ କର୍ଫ୍ୟୁ ସହିତ ଅନ୍ୟ କଟକଣାକୁ ଲାଗୁ କରାଯାଇଛି । ଅନ୍ୟପଟେ କରୋନା ଟିକା ଯେତେବେଳେ ଆସିବ ସେତେବେଳେ ଏହାର କିପରି ସଠିକ ବଣ୍ଟନ ହୋଇପାରିବ ସେ ଦିଗରେ ମଧ୍ୟ କେନ୍ଦ୍ର ସରକାର ବେଶ ଯତ୍ନବାନ ରହିଛନ୍ତି ।