ବଲାଙ୍ଗୀର ୮/୭( ଦେବବ୍ରତ ଗୁରୁ): ବଲାଙ୍ଗୀର ହାତିଶାଳପଡା ରେ ମୋଟ ୪୩ ଜଣଙ୍କର କରୋନା
ପଜିଟିଭ ଆସିବା ପରେ ସହରରେ ଚାଞ୍ଚଲ୍ୟ ଖୋଲିଯାଇଛି । ସେହି ପଡାକୁ ପ୍ରଶାସନ କନଟେନଣ୍ଟମେଣ୍ଟ ଜୋନ ଘୋଷଣା କରିଛନ୍ତି । ଗତ
ଜୁଲାଇ ତାରିଖ ରୁ କନଟେନଣ୍ଟମେଣ୍ଟ ଜୋନ କରାଯାଇଛି । ସେହି ଅଞ୍ଚଳରେ ମୁଖ୍ଯତଃ ଶ୍ରମିକ ଦିନ ମଜୁରିଆ ମାନେ ରହୁଛନ୍ତି । ତେଣୁ ଦୈନିକ ରୋଜଗାର ନକଲେ ତାଙ୍କର ଚୁଲି ଜଳେ ନାହିଁ । ଏହି ଅଞ୍ଚଳକୁ କନଟେନଣ୍ଟମେଣ୍ଟ ଜୋନ ଘୋଷଣା ପରେ ସେମାନଙ୍କର ଜୀବିକା ଚାଲିଯାଇଛି । ପ୍ରଶାସନ ତାଙ୍କୁ କୌଣସି ରାସନ ଦେଉନି କି ଖାଦ୍ଯ ପଦାର୍ଥ ଦେଉନାହିଁ। ଫଳରେ ସେମାନେ ବହୁତ ଅସୁବିଧା ରେ
ରହୁଛନ୍ତି। ଏ ବିଷୟରେ ପୁର୍ବତନ ଲୋକସଭା ସାସଂଦ କଳିକେଶ ଜାଣିବା ପରେ ଆଜି ସହାୟତା ର ହାତ ବଢାଇଛନ୍ତି । ଆଜି କଳିକେଶଙ୍କ ନିର୍ଦ୍ଦେଶରେ ବିଜେଡିର ଏକ ପ୍ରତିନିଧି ଦଳ ୨୦୦
ପ୍ଯାକେଟ ରାସନ ହାତିଶାଳପଡା କୁ ପହଞ୍ଚାଇଛନ୍ତି । ଏହି ପ୍ଯାକେଟରେ ଚାଉଳ, ଡାଲି, ତେଲ, ଲୁଣ, ପିଆଜ, ଆଳୁ, ଚିନି, ଚାପତି ଇତ୍ୟାଦି ରହିଛି । ହାତିଶାଳପଡା ର ଅସହାୟ ପରିବାର କୁ ଉକ୍ତ
ରାସନ ସ୍ଥାନୀୟ ସ୍ବଚ୍ଛାସେବୀମାନେ ବଣ୍ଟନ କରିଛନ୍ତି । ହାତିଶାଳପଡାର ବଫର ଜୋନରେ ଥିବା ଓଡିଶା ଭବନ ପର୍ଯ୍ୟନ୍ତ ଏହି ରାସନ ଗାଡି ପହଞ୍ଚାଯାଇଥିଲା । ଯୁବ ବିଜେଡି ସଭାପତି ଲୋଟସ ଷଡଙ୍ଗୀ, ବରିଷ୍ଠନେତା ପ୍ରଦ୍ଯୁତ ମିଶ୍ର, ସଞ୍ଜିବ ମିଶ୍ର, ବୁଲୁ ବେହେରା, ସଂଜୀବ ନାଥ,ସ୍ବରୁପ ଦାସ, ରାଜେଶ ଦୋରା, ଅଭୟ ସାହୁ, ନରେନ୍ଦ୍ର ପାତ୍ର, ପ୍ରମୁଖ
ଏହି ପ୍ରତିନିଧି ଦଳରେ ରହିଛନ୍ତି । ପ୍ରକାଶ ଯେ, ଏହା ପୂର୍ବରୁ କଳିକେଶ ଜିଲ୍ଲାକୁ ଫେରିଥିବା ପ୍ରବାସୀ ଶ୍ରମିକ ମାନଙ୍କୁ ମଧ୍ଯ ୫୦୦୦ ପ୍ଯାକେଟ ରାସନ ସାମଗ୍ରୀ ବାଣ୍ଟିଥିଲେ ।
