ପୁରୁଷୋତ୍ତମପୁର,୨୪/୩(ପ୍ରଭାକର ମହାରଣା):-ପୁରୁଷୋତ୍ତମପୁର ବ୍ଲକ ଅନ୍ତର୍ଗତଭୂତସରସିଙ୍ଗି ସେବା ସମବାୟ ସମିତି ସ୍ତରୀୟ ସମବାୟ ବ୍ୟାଙ୍କ୍ ସେବା ଓ ଋଣ କର୍ମଶାଳା ସ୍ଥାନୀୟ ରାଜିବ ଗାନ୍ଧୀ ସେବା କେନ୍ଦ୍ରରେ ଅନୁଷ୍ଠିତ ହୋଇଯାଇଅଛି। ସମବାୟ ସମିତି ସଭାପତି ପ୍ରଫୁଲ୍ଲ କୁମାର ପାତ୍ର ଙ୍କ ସଭାପତିତ୍ବରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ସରପଞ୍ଚ ମନୋଜ ଦାଶ, ମୁଖ୍ୟ ବକ୍ତା ବ୍ୟାଙ୍କ ସୁପରଭାଇଜର ଦେବାଶିଷ ପଣ୍ଡା, ସମ୍ମାନିତ ଅତିଥି ନିର୍ଦ୍ଦେଶକ ବନମାଳୀ ପ୍ରଧାନ, ସୁମନ୍ତ ମହାରଣା ପ୍ରମୁଖ ମଞ୍ଚାସିନ ଥିଲେ । ଚାଷୀଙ୍କୁ ବିନା ସୁଧରେ ୧ଲକ୍ଷ ପର୍ଯ୍ୟନ୍ତ ଋଣ ପ୍ରଦାନ ଓ ଭାଗଚାଷୀ କିପରି ଏହି ଯୋଜନାର ଲାଭ ଉଠାଇ ପାରିବ ସେ ଦିଗରେ ବିସ୍ତୃତ ଭାବରେ ଆଲୋକପାତ କରିଥିଲେ। ରାଜ୍ୟ ସରକାର ଙ୍କ ସମବାୟ ବିଭାଗ ପକ୍ଷରୁ କାର୍ଯ୍ୟକାରୀ କରାଯାଇଥିବା ବିଭିନ୍ନ ଯୋଜନା ବିଷୟରେ ସମବାୟ କର୍ମଚାରୀ ମାନେ ଉପସ୍ଥିତ ରହି ଚାଷୀ ଙ୍କୁ ସଚେତନତା କରିଥିଲେ। ଅନ୍ୟ ମାନଙ୍କ ମଧ୍ୟରେ, ସମବାୟ ସମିତି ଉପସଭାପତି ବିନୋଦିନୀ ପାତ୍ର,ନିର୍ଦ୍ଦେଶକ ବି ତ୍ରିପତି ଦୋରା, ସୁବାଷ ସାହୁ, ରାଜେନ୍ଦ୍ର ପଣ୍ଡାଙ୍କ ସମେତ ଶତାଧିକ ଚାଷୀ ଉପସ୍ଥିତ ଥିଲେ। ସମବାୟ ସମିତି ର ସମ୍ପାଦକ ଶିଶିର କୁମାର ଦଳାଇ କାର୍ଯ୍ୟକ୍ରମକୁ ପରିଚାଳନା ସହ ଧନ୍ୟବାଦ ଅର୍ପଣ କରିଥିଲେ।
