ସୁନ୍ଦରଗଡ଼,୨୯/୦୧/୨୧ (ଡ଼ି.ଏଚ/ବ୍ୟୁରୋ) :ସୁନ୍ଦରଗଡ଼ ଜିଲ୍ଲାର ହେମଗିରି ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରର ମେଡିକାଲ ଅଫିସର ଡାକ୍ତର ଶ୍ରଦ୍ଧାକର ଗରତିଆ ଲାଞ୍ଚ ନେଇ ଭିଜିଲାନ୍ସ ହାତରେ ଧରାପଡ଼ିଥିବା ଘଟଣା ଚାଞ୍ଚଲ୍ୟ ଖେଳାଇ ଦେଇଛି। ଜଣେ ମହିଳା ସ୍ୱାସ୍ଥ୍ୟକର୍ମୀଙ୍କ ଠାରୁ ୫ ହଜାର ଟଙ୍କା ଲାଞ୍ଚ ନେବାବେଳେ ସେ ଭିଜିଲାନ୍ସ ହାତରେ ଧରାପଡ଼ିଥିବା ଜଣାଯାଇଛି। ମିଳିଥିବା ସୂଚନା ଅନୁଯାୟୀ, ହେମଗିରି ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ଅଧୀନସ୍ଥ ସୁରଡ଼ା ସ୍ଵାସ୍ଥ୍ୟକେନ୍ଦ୍ରର କର୍ମଚାରୀ କଳ୍ପନା ପଟେଲଙ୍କ ଠାରୁ ୫ ହଜାର ଟଙ୍କା ଲାଞ୍ଚ ନେଉଥିଲେ। କଳ୍ପନା ନେଇଥିବା ୨ ଦିନର ଛୁଟିକୁ ନିୟମିତ କରିବା ପାଇଁ ମେଡିକାଲ ଅଫିସର ଡାକ୍ତର ଶ୍ରଦ୍ଧାକର ଗରତିଆଙ୍କୁ ବାରମ୍ବାର ଅନୁରୋଧ କରିବା ପରେ ତାଙ୍କୁ ୫ ହଜାର ଟଙ୍କା ଲାଞ୍ଚ ଦେବାକୁ କହିଥିଲେ। ଏଥିରେ ଉତକ୍ଷିପ୍ତ ହୋଇ କଳ୍ପନା ଭିଜିଲାନ୍ସକୁ ଏନେଇ ସୂଚନା ଦେଇଥିଲେ। ଭିଜିଲାନ୍ସ ଟିମ୍ ଯୋଜନାମୁତାବକ ଆଜି ମେଡିକାଲ ଅଫିସର ଶ୍ରଦ୍ଧାକର ଗରତିଆଙ୍କୁ ଧରିଥିଲେ।
