ବଲାଙ୍ଗୀର,୧୮/୯(ସୁନୀଲ ତ୍ରିପାଠୀ ) : ବଲାଙ୍ଗୀର ଜିଲ୍ଲା ଆଗଲପୁର ପଞ୍ଚାୟତ ସମିତି ମହାବିଦ୍ଯାଳୟର ଯୁବ ଓଡିଆ ଅଧ୍ଯାପକ ପ୍ରେମାନନ୍ଦ ମାଝୀଙ୍କ ଗତକାଲି ଆକସ୍ମିକ ପରଲୋକ ହୋଇଯାଇଛି । ସେ ଗତ ବୁଧବାର ଅସୁସ୍ଥ ହେବାରୁ ପ୍ରଥମେ ଆଗଲପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ଯାଇଥିଲେ । ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ଡାକ୍ତର ତାଙ୍କୁ ବୁର୍ଲା ବଡ ମେଡିକାଲ ହସ୍ପିଟାଲକୁ ପଠାଇଲେ । ସେଠାରେ ଚିକିତ୍ସାଧିନ ଅବସ୍ଥାରେ ଗତକାଲି ତାଙ୍କର ପରଲୋକ ହୋଇଥିଲା । ତାଙ୍କ ମୃତ୍ୟୁରେ କଲେଜ ସମେତ ସମଗ୍ର ଅଞ୍ଚଳରେ ତଥା ଛାତ୍ର ଛାତ୍ରୀଙ୍କ ମହଲରେ ଶୋକର ଛାୟା ଖେଳିଯାଇଛି । ସେ ନୂଆପଡା ଜିଲ୍ଲାର ବାସୀନ୍ଦା ବୋଲି ଜଣାଯାଏ ।
