ବଲାଙ୍ଗୀର,୩୦/୦୭(ସୁନୀଲ ତ୍ରିପାଠୀ) : ଆସନ୍ତା ଜୁଲାଇ 31 ତାରିଖ ମଧ୍ୟରାତ୍ର ଶୁକ୍ରବାର ଠାରୁ ଅଗଷ୍ଟ ତିନି ତାରିଖ ସୋମବାର ପର୍ଯ୍ୟନ୍ତ ବଲାଙ୍ଗୀର ଜିଲ୍ଲାକୁ ସଟଡାଉନ ଘୋଷଣା କରିଛନ୍ତି ଜିଲ୍ଲାପାଳ ଅରିନ୍ଦମ ଡାକୁଆ l ଏହି ସମୟରେ ସମସ୍ତ ଯାନବାହାନ ଏବଂ ଜନ ସାଧାରଣଙ୍କ ଗମନାଗମନ ବନ୍ଦ ରହିବ l ସମସ୍ତ ଦୋକାନ ବଜାର ବନ୍ଦ ରହିବ l ସଟଡାଉନ ସମୟରେ ମେଡିକାଲ ଷ୍ଟୋର, ଆମ୍ବୁଲାନ୍ସ ଯାତାୟତ, ଜରୁରୀ ସେବା, ହସ୍ପିଟାଲ, କ୍ଲିନିକ, ନରସିଂ ହୋମ ଖୋଲା ରହିବl ରାଜ୍ୟ ଏବଂ ସେଣ୍ଟ୍ରାଲ ଅଫିସ କେବଳ ଜରୁରୀ କାର୍ଯ୍ୟ ପାଇଁ ଖୋଲା ରହିବ l ଟେଲିକମ ସର୍ଭିସେସ , ପ୍ରିଣ୍ଟ ଏବଂ ଇଲେକ୍ଟ୍ରୋନିକ ମିଡ଼ିଆ, ଜଳ ଯୋଗାଣ, ବିଦ୍ୟୁତ ଯୋଗାଣ,ଦୁଗ୍ଧ ଯୋଗାଣ କେନ୍ଦ୍ର, ମୁନିସିପାଲଟି, ଅଗ୍ନିଶମ ବିଭାଗ, ପୋଲିସ ସେବା ପୂର୍ଵଵତ ଚାଲୁରହିବ l ଅତ୍ୟାବଶ୍ୟକ ଦ୍ରବ୍ୟ ଓ ସେବା ଯୋଗାଉଥିବା ବାହନ ଚଳପ୍ରଚଳ ବନ୍ଦ ରହିବ ନାହିଁ l ଶିଳ୍ପ ପ୍ରତିଷ୍ଠାନ ଓ ନିର୍ମାଣ କାର୍ଯ୍ୟ ଚାଲୁ ରହିବ l କୃଷ ଏବଂ ପଶୁପାଳନ ସମ୍ପର୍କୀୟ ସମସ୍ତ କାର୍ଯ୍ୟ କଳାପ ଚାଲୁ ରହିବ l ଜାତୀୟ ରାଜପଥରେ ପରିବହନ ସେବା ପୂର୍ବବତ ଜାରି ରହିବ l ATM ଗୁଡିକ ଖୋଲା ରହିବ l ବିବାହ ଇତ୍ୟାଦି ସାମାଜିକ କାର୍ଯ୍ୟକ୍ରମ ପ୍ରଶାସନର ଅନୁମତିରେ ହୋଇପାରିବ l ଜାତୀୟ ରାଜପଥ ଓ ରାଜ୍ୟ ରାଜପଥରେ ଥିବା ଢ଼ାବାଗୁଡିକ ଉପରୋକ୍ତ କଟକଣାରୁ ମୁକ୍ତ ରହିବ l ଉପରୋକ୍ତ ନିୟମର ଅବମାନନା କଲେ ଆଇନ ଅନୁଯାଇ କାର୍ଯ୍ୟନୁଷ୍ଠାନ ନିଆଯିବ l
