ବାଲେଶ୍ଵର,୨୬/୫(ନରେନ୍ଦ୍ର ପ୍ରସାଦ ବେହେରା):ବର୍ତ୍ତମାନ ସମାଜରେ ଦିନକୁ ଦିନ ହଜି ହଜି ଯାଉଥିବା ସାହିତ୍ୟର ଉନ୍ନତି ନିତ୍ଯାନ୍ତ ଆବଶ୍ୟକତା ଦେଖାଦେଇଛି । ଏଥିପାଇଁ ରାଜ୍ୟର ବିଭିନ୍ନ ସ୍ଥାନରେ ସାହିତ୍ୟ ଅନୁଷ୍ଠାନମାନ ଗଢିଉଠୁଛି । ହେଲେ ଦୁଃଖର ବିଷୟ ଏହିକି ଯେ ସେହିସବୁ ଅନୁଷ୍ଠାନର ବାର୍ଷିକ ଉତ୍ସବରେ ପଦ୍ଯ ସାହିତ୍ୟକୁ ବିଶେଷ ଭାବେ ଗୁରୁତ୍ୱ ଦିଆଯାଉଥିବାର ପରିଲକ୍ଷିତ ହୁଏ । ଯାହାଦ୍ୱାରା ସାରସ୍ବତ ସାଧକ/ସାଧିକା ମାନଙ୍କର ଗଦ୍ଯ ସାହିତ୍ୟ ପ୍ରତି ଥିବା ଆଗ୍ରହ କମି କମି ଯାଇଥାଏ । ତେଣୁ ସେମାନଙ୍କ ମନ ମଧ୍ୟରେ ଗଦ୍ଯ(ଗଳ୍ପ/ପ୍ରବନ୍ଧ) ସାହିତ୍ୟକୁ ଜାଗ୍ରତ କରିବା ପାଇଁ ୨୦୧୯ ମସିହାରେ ବାଲେଶ୍ଵର ଜିଲ୍ଲା ଖଇରା ଠାରେ ନରେନ୍ଦ୍ର ପ୍ରସାଦ ବେହେରାଙ୍କ କରକମଳରେ ଗଢି ଉଠିଥିବା ” ମୋ ଅନୁଷ୍ଠାନ ” ସାହିତ୍ୟ ସଂସଦ,ଖଇରା,ବାଲେଶ୍ଵର ଅଣ୍ଟା ଭିଡିଛି । ଅନୁଷ୍ଠାନ ଓଡ଼ିଶାର ପ୍ରତ୍ୟେକ ଜିଲ୍ଲାରୁ ସାହିତ୍ୟ ଅନୁରାଗୀ ମାନଙ୍କୁ ନେଇ ଆରମ୍ଭ କରିଛି ଗଦ୍ଯ(ଗଳ୍ପ/ପ୍ରବନ୍ଧ) ସାହିତ୍ୟ ପ୍ରତିଯୋଗିତା କାର୍ଯ୍ୟକ୍ରମ । ପ୍ରତି ସପ୍ତାହର ବୁଧବାର ସକାଳ ୮ ଘଟିକାରେ ପ୍ରସଙ୍ଗ ଦିଆଯାଇ ଶୁକ୍ରବାର ରାତି ୧୨ଟା ପର୍ଯ୍ୟନ୍ତ ଲେଖା ଗ୍ରହଣ କରାଯାଇଥାଏ ।
୪ର୍ଥ ପର୍ଯ୍ଯାୟ ପ୍ରତିଯୋଗିତାର ପ୍ରସଙ୍ଗ- ” ଯୁଦ୍ଧ ବନାମ ଶାନ୍ତି ” ରେ (୧) ପ୍ରଶାନ୍ତ କୁମାର ନାଥ,ବାଙ୍ଗାଲୋର (୨) ରଞ୍ଜନ କୁମାର ପଣ୍ଡା,ଗୁପ୍ତେଶ୍ବର, କୋରାପୁଟ (୩) ପ୍ରିୟମ୍ବଦା ରାଉତ,କୁଡୁମୁଲୁଗୁମ୍ମା, ଖଇରପୁଟ,ମାଲକାନଗିରି (୪) ସୁଦର୍ଶନ ମହାପାତ୍ର, କୁଞ୍ଜବିହାରୀ ଲେନ୍,କଟକ (୫) ମଧୁସ୍ମିତା ନାୟକ, ଜଖପୁରା, ଯାଜପୁର (୬) ସୁସ୍ମିତା ମହାପାତ୍ର, ରାଉରକେଲା, ସୁନ୍ଦରଗଡ (୭) ଭାରତୀ ସାହୁ,ଯୁନିଦାପାଟଣା, ଦଶରଥପୁର, ଯାଜପୁର ଓ (୮) ସ୍ବର୍ଣ୍ଣଲତା ପତି,ସମ୍ବଲପୁରର ସାରସ୍ବତ ସାଧକ/ସାଧିକା ପ୍ରମୁଖ ହ୍ଵାଟ୍ସଆପ୍ ଜରିଆରେ ଅଂଶଗ୍ରହଣ କରିଥିଲେ । ସମସ୍ତଙ୍କର ପ୍ରବନ୍ଧ ଗୁଡିକୁ ସମୀକ୍ଷା କରିବା ପାଇଁ ମୁଖ୍ୟ ସମୀକ୍ଷକ ଦାୟିତ୍ୱରେ ଥିବା କେନ୍ଦୁଝର ଜିଲ୍ଲା ହାଟଡିହି ବ୍ଲକ ହାବେଳେଶ୍ବର ପଞ୍ଚାୟତ ଜମ୍ଭରା ଗ୍ରାମର ଶିକ୍ଷକ ତଥା ସୁ-ସାହିତ୍ଯିକ ନାରାୟଣ ଚନ୍ଦ୍ର ସେନାପତି ଓ ତାଙ୍କର ସହଯୋଗୀ ପରୀକ୍ଷକମାନଙ୍କ ମୂଲ୍ୟାୟନ ପରେ ପରିଚାଳନା କମିଟିର ସମୀକ୍ଷା ଓ ସିଦ୍ଧାନ୍ତ କ୍ରମେ ଶ୍ରୀ ସେନାପତି ଫଳାଫଳ ଘୋଷଣା କରିଥିଲେ । ସେଥିମଧ୍ଯରୁ ସୁନ୍ଦରଗଡ ଜିଲ୍ଲା ରାଉରକେଲାର ସୁସ୍ମିତା ମହାପାତ୍ର ପ୍ରଥମ ହୋଇଥିବା ବେଳେ ସୁଦର୍ଶନ ମହାପାତ୍ର ୨ୟ , ରଞ୍ଜନ କୁମାର ପଣ୍ଡା ୩ୟ , ପ୍ରିୟମ୍ବଦା ରାଉତ ୪ର୍ଥ , ଭାରତୀ ସାହୁ ୫ମ , ସ୍ବର୍ଣ୍ଣଲତା ପତି ଷଷ୍ଠ , ପ୍ରଶାନ୍ତ କୁମାର ରଥ ସପ୍ତମ ଓ ମଧୁସ୍ମିତା ନାୟକ ଅଷ୍ଟମ ସ୍ଥାନ ଅଧିକାର କରିଛନ୍ତି ।ପ୍ରତି ସପ୍ତାହରେ କେବଳ ପ୍ରଥମ ସ୍ଥାନ ଅଧିକାର କରିଥିବା ପ୍ରତିଯୋଗୀଙ୍କୁ ଅନୁଷ୍ଠାନ ପୁରସ୍କୃତ କରିବା ପାଇଁ ସିନ୍ଧାନ୍ତ ନେଇଛି । ଦୂରେଇ ଯାଉଥିବା ଗଦ୍ଯ(ଗଳ୍ପ/ପ୍ରବନ୍ଧ) ସାହିତ୍ୟକୁ ପ୍ରତିଯୋଗିତା ମାଧ୍ୟରେ ନିକଟତର କରିବା ହେଉଛି ଅନୁଷ୍ଠାନର ଲକ୍ଷ୍ୟ ଏବଂ ଉଦ୍ଦେଶ୍ୟ । ଯେଉଁମାନେ କି ଲେଖାଲେଖି କରୁଛନ୍ତି କିନ୍ତୁ ସାହିତ୍ୟ ଜଗତର ଆଲୋକ ସ୍ପର୍ଶ କରି ପାରୁନାହାନ୍ତି , ସେମାନଙ୍କୁ ଏହି ପ୍ରତିଯୋଗିତା ମାଧ୍ୟରେ ଖୋଜି ବାହାର କରି ସାହିତ୍ୟ ଜଗତରେ ପରିଚିତ କରାଇବା ହେଉଛି ଅନୁଷ୍ଠାନର ଅନ୍ୟ ଏକ ପ୍ରଧାନ ଲକ୍ଷ୍ୟ । ପ୍ରତି ସପ୍ତାହରେ ଏଭଳି କାର୍ଯ୍ୟକ୍ରମ ଚାଲୁ ରହିବ ବୋଲି ସମ୍ପାଦକ ନରେନ୍ଦ୍ର ପ୍ରସାଦ ବେହେରା ଗଣମାଧ୍ୟମକୁ ସୂଚନା ପ୍ରଦାନ କରିଛନ୍ତି ।
