ବାଲେଶ୍ଵର,୩।୪(ନରେନ୍ଦ୍ର ପ୍ରସାଦ ବେହେରା) : ବାଲେଶ୍ଵର ଜିଲ୍ଲା ଖଇରା ତହସିଲ ଗଣ୍ଡିବେଡ ଆର ଆଇ ଅଧିନ କୃଷ୍ଣଦାସପୁର ଗ୍ରାମରେ ଅଗ୍ନିକାଣ୍ଡ ଘଟି ୨ବଖରା ଗୃହ ନଷ୍ଟ ହୋଇଛି । ଘଟଣାରୁ ଜଣାଯାଇଛି ଯେ ଆଜି ମଧ୍ଯାହ୍ନରେ ଗ୍ରାମର ଗରିବ ଖଟିଖିଆ ଧରଣୀଧର ପରମାଣିକଙ୍କ ଘରେ କୌଣସି କାରଣରୁ ହଠାତ୍ ନିଆଁ ଲିଗିଯାଇଥିଲା । ଶ୍ରୀ ପରମାଣିକଙ୍କ ଡାକଶୁଣି ଗ୍ରାମବାସୀମାନେ ଘଟଣା ସ୍ଥଳକୁ ଦୌଡ଼ି ଆସି ଉଦ୍ଧାର କାର୍ଯ୍ୟରେ ଲାଗିପଡି ଥିଲେ । ଖବରପାଇ ଖଇରା ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତକରିବା ସଙ୍ଗେ ସଙ୍ଗେ ଗୋଟିଏ ଅଧାପୋଡା ଗାଈକୁ ଉଧାର କରିଛନ୍ତି । ଏଥିସହିତ ୨ଟା କୁଟା ବଦାଡିରେ ମଧ୍ୟ ନିଆଁ ଲାଗିଥିଲା । ପ୍ରାୟ ୫୦ ହଜାର ଟଙ୍କାର କ୍ଷତି ହୋଇଥିବାର ଗ୍ରାମବାସୀମାନଙ୍କ ଠାରୁ ଶୁଣିବାକୁ ମିଳୁଥିବା ବେଳେ ଆର ଆଇ ତଦନ୍ତ ପରେ ପ୍ରକୃତ କ୍ଷୟକ୍ଷତି ପରିମାଣ ଜଣାପଡିବ ବୋଲି ଦମକଳ ଅଫିସରୁ ସୂଚନା ମିଳିଛି ।
