କଳାହାଣ୍ଡି,୨ା୪ (କୁଳମଣି ସାହୁ) :କୋରୋନା ମହାମାରୀ ସମୟରେ ସାରା ଦେଶ ଏବେ ଲଗ ଡାଉନ ଥିବାବେଳେ କଳାହାଣ୍ଡି ଲୋକସଭା ସଦସ୍ୟ ବସନ୍ତ ପଣ୍ଡା ଆହ୍ୱାନରେ ଯୋରାଡବରା ମଣ୍ଡଳ ବିଜେପି ସଭାପତି ଦଶରଥ ସାହୁ ନିର୍ଦ୍ଦେଶରେ ବ୍ଲକ ପକ୍ଷରୁ ବିଭିନ୍ନ ଅଂଚଳରେ କଟକଣା ସମୟରେ ଗ୍ରାମାଞ୍ଚଳ ଯେଭଳି ପରିସ୍ଥିତି, ଅସହାୟ ଲୋକ ଖାଦ୍ୟଭାବ ତଥା ଅନ୍ୟ କୌଣସି ଭାବରେ ଅସୁବିଧାର ସମ୍ମୁଖୀନ ନହୁଏ ସେଥିପ୍ରତି ଭାରତୀୟ ଜନତା ପାର୍ଟି ସମସ୍ତ କାର୍ଯ୍ୟକର୍ତା ସାହାର୍ଯ୍ୟର ମନବୃତି ନେଇ ସେମାନଙ୍କୁ ସାହାର୍ଯ୍ୟ କରିବାକୁ ଓହ୍ଲାଇ ଆସିଛନ୍ତି । ଯୋରାଡବରା ମଣ୍ଡଳ ବିଜେପି କର୍ମି ତରଫରୁ ଗଣେଶ କୁମାର,ଅବନୀ ସାହୁ,ଶୁଭ୍ରାଶୁ ସାହୁ,ନବୀନ କିଶୋର ସାହୁ, ରାଜେନ୍ଦ୍ର ନାରାୟଣ ମିଶ୍ର, ନେତୃତ୍ୱରେ ଙ୍କ ସମେତ ବିଘ୍ନ ସାହୁ, ଯୁବମୋର୍ଚ୍ଚାର ସମସ୍ତ କାର୍ଯ୍ୟକର୍ତା କଲ୍ଲାମୁଣ୍ଡା ବ୍ଲକ ର ଯୋରାଡବରା ପଞ୍ଚାୟତ ସିଲେଟ ପଡା ପାଖରେ ଥିବା ଯାଯାବର ରଘୁନାଥ ପରାଭୋଇ ଅସହାୟ ବ୍ୟକ୍ତିମାନଙ୍କୁ ଖାଇବାର ବ୍ୟବସ୍ଥା କରାଇଥିଲେ । ସେମାନଙ୍କୁ ରନ୍ଧା ଖାଦ୍ୟ,ମାସ୍କ, ସାନିଟାଇଜର ସହିତ ନିତ୍ୟ ବ୍ୟବହାର ସାମଗ୍ରୀ ପ୍ରଦାନ କରିଥିଲେ । ଏହି କୋରୋନା ମହାମାରୀ ସମୟରେ ସଫେଇ ପ୍ରଦାନ କରୁଥିବା କର୍ମଚାରୀମାନଙ୍କୁ ଜଳପାନ ସହ ଖାଦ୍ୟ ପୁଡିଆ ବଣ୍ଟନ କରିବା ସହ ସ୍ୱଚ୍ଛତା ତଥା ଦୂରତା ଏବଂ ଏହି ମହାମାରୀ ସମ୍ପର୍କରେ ଲୋକମାନଙ୍କୁ ସଚେତନ କରାଇଥିଲେ । ଆଗାମୀ ଦିନରେ ଆସନ୍ତା ୧୪ ତାରିଖ ପର୍ଯ୍ୟନ୍ତ ଜିଲ୍ଲା ପକ୍ଷରୁ ଏହିପରି ତମାମ ଦିନରାତି ସେବା ମନୋଭାବ ନେଇ ଜିଲ୍ଲାର ସମସ୍ତ କାର୍ଯ୍ୟକର୍ତା କାମ କରିବେ ବୋଲି ଜିଲ୍ଲା ପରିଷଦ ସଦସ୍ୟା ପୁଷ୍ପକାନ୍ତୀ କୁମାର ତଥା ମଣ୍ଡଳ ସଭାପତି ଦଶରଥ ସାହୁ ପ୍ରକାଶ କରିଛନ୍ତି ।
