ପଦ୍ମପୁର,୨୪।୨ (କୁଞ୍ଜ ବିହାରି ସାହୁ) : ଓଡିଶା କର୍ମଜୀବି ସାମ୍ବାଦିକ ସଂଘ ସହ ବନ୍ଧିତ ଭାରତୀୟ ସାମ୍ବାଦିକ ସଂଘର ରାଷ୍ଟୀୟ କାର୍ଯ୍ୟକାରିଣୀ ସଦସ୍ୟ ବୈଠକ ଗୁଜୁରାଟର ଗାନ୍ଧିନଗର ଠାରେ ଗତ ୧୯ ତାରିଖ ଦିନ ଅନୁଷ୍ଠିତ ହୋଇଯାଇଛି। ସଂଘର ସଭାପତି କେ.ବି.ପଣ୍ଡିତଙ୍କ ଅଧ୍ୟକ୍ଷତାରେ ମୂଖ୍ୟ ଅତିଥି ଭାବେ ଗୁଜୁରାଟର ମହାମହିମ ରାଜ୍ୟପାଳ ଆଚାର୍ଯ୍ୟ ଦେବବ୍ରତ ଜୀ, ସମ୍ମାନିତ ଅତିଥି ଭାବେ ବରିଷ୍ଠ ସାମ୍ବାଦିକ ଡ. ବେଦ ପ୍ରତାବ ବୈଦିକ, ଆଚାର୍ଯ୍ୟ ଗୌରୀଶଙ୍କର , ଭୀକାଭାଇ ପ୍ରଜାପତି , ମନୁଭାଇ ପଟେଲ, ଲକ୍ଷ୍ମଣଭାଇ ପଟେଲ ପ୍ରମୁଖ ମଞ୍ଚାସୀନ ଥିଲେ । ରାଜ୍ୟଗୁଡିକରେ ପତ୍ରକାରିତାର ସମସ୍ୟା ଏବଂ ତାର ସ୍ଥାୟୀ ସମାଧାନ ତତ୍ ସଂଗେ ସାମ୍ବାଦିକ ବୃତ୍ତିକୁ ଆଦରି ନେଇଥିବା ବ୍ୟକ୍ତିତ୍ବ ଙ୍କ ପାଇଁ ସ୍ବାସ୍ଥ୍ୟ ବୀମା , ପେନସନ୍ ଯୋଜନା ଆଦି ସମ୍ବନ୍ଧରେ ଆଲୋଚନା କରାଯାଇଥିଲା। ଓଡିଶାରୁ ତିନିଜଣ ବରିଷ୍ଠ ସାମ୍ବାଦିକଙ୍କୁ ରାଜ୍ୟପାଳ ସମ୍ବର୍ଦ୍ଧିତ କରିଥିଲେ। ଓଡିଶା କର୍ମଜୀବି ସାମ୍ବାଦିକ ସଂଘର ସଭାପତି ତଥା ରାଷ୍ଟୀୟ କାର୍ଯ୍ୟକାରିଣୀ ସଦସ୍ୟ ସୁଜ୍ଞାନ ଚୌଧୁରୀ, ଉପ ସଭାପତି ତଥା ରାଷ୍ଟ୍ରୀୟ କାର୍ଯ୍ୟକାରିଣୀ ସଦସ୍ୟ ଆଶୁତୋଷ ରଥ , ଏବଂ ଯୁଗ୍ମ ସଂପାଦକ ତଥା ରଷ୍ଟ୍ରୀୟ କାର୍ଯ୍ୟକାରିଣୀ ସଦସ୍ୟ ପବିତ୍ର ପାତ୍ର ଙ୍କୁ ସମ୍ବର୍ଦ୍ଧିତ କରାଯାଇଥିଲା। ଶେଷରେ ସଂଘର ରାଷ୍ଟ୍ରୀୟ ସଂପାଦକ ମୁର୍ଗେଶ ବି.ଶିବୁ ଧନ୍ୟବାଦ ଅର୍ପଣ କରିଥିଲେ।।
