ବ୍ରହ୍ମପୁର,୨୬ା୧(ବୁରୋ): ସଂପର୍କ ମାସ ମିଡିଆ ଏବଂ ଶିକ୍ଷାମଙ୍ଗଳ ସମିତିର ମିଳିତ ସହଯୋଗରେ ଗୋଷାଣୀନୂଆଗାଁ ସ୍ଥିତ କେସି ବାଳିକା ବିଦ୍ୟାଳୟରେ ସନତ୍ କୁମାର ପଣ୍ଡାଙ୍କ ଅଧ୍ୟକ୍ଷତାରେ ଜାତୀୟ ବାଳିକା ଦିବସ ପାଳିତ ହୋଇଯାଇଛି । ସାଂପ୍ରତିକ ପରିସ୍ଥିତିରେ ଛାତ୍ରୀମାନଙ୍କ ମଧ୍ୟରେ ଆତ୍ମବିଶ୍ୱାସ ବୃଦ୍ଧିହେବା ସହ ପରିସ୍ଥିତିର ମୁକାବିଲା କରିବାରେ ଛାତ୍ରୀମାନେ ଯେପରି ନିର୍ଭୟା କଢ଼ିରୁ ଦିଲ୍ଲୀ ନିର୍ଯାତିତା ନିର୍ଭୟା ନହେବେ, ସେ ନେଇ ଅତିଥିମାନେ ଆଲୋକପାତ କରିଥିଲେ । ଏହି କର୍ମଶାଳାକୁ ପ୍ରଧାନ ଶିକ୍ଷୟତ୍ରୀ ମୀନାକ୍ଷି ମିଶ୍ର ଉଦ୍ ଘାଟନ କରିଥିବାବେଳେ ମମତା ବିଷୋୟୀ, ଡ . ନମିତା ରାଣୀ ପଣ୍ଡା, ପାର୍ବତୀ ପ୍ରଧାନଙ୍କ ସହ ମଙ୍ଗଳ ସମିତିର ଅମିତା ସାହୁ, ରଂଜନ କୁମାର ସାହୁ ପ୍ରଭୃତି ଯୋଗ ଦେଇଥିଲେ । କେଦାର ନାଥ ସାହୁ ଧନ୍ୟବାଦ ଦେଇଥିଲେ ।
