କଳାହାଣ୍ଡି,୨୧ା୧(ସୁବ୍ରତ କୁମାର ସାହୁ) : କଳାହାଣ୍ଡି ଜିଲ୍ଲା ମ.ରାମପୁର ବ୍ଲକ ମୋହନଗିରି ଠାରେ ଆଜି ପ୍ରତ୍ୟେକ ବର୍ଷ ଭଳି ଏବର୍ଷ ମଧ୍ୟ ଜାନୁୟାରୀ ୨୦,୦୧ରୁ ୨୫,୧ ପର୍ଯ୍ୟନ୍ତ କ୍ରିକେଟ ଟୁର୍ଣ୍ଣାମେଣ୍ଟ ଧବଳେଶ୍ବର କ୍ରୀଡ଼ା ଓ ସାଂସ୍କୃତିକ ଅନୁଷ୍ଠାନ ତରଫରୁ ଅନୁଷ୍ଠିତ ହୋଇଯାଇଛି । ପ୍ରଥମେ ମୋହନଗିରି ଶିବମନ୍ଦିରରୁ ସକାଳ ୯ ଟା ସମୟରେ ମଶାଲ ଶୋଭାଯାତ୍ରାରେ ବାହାରି ପଡ଼ିଆରେ ସ୍ଥାପନ କରାଯାଇଥିଲା ଓ ପରେ ଖେଳ ଆରମ୍ଭ ହୋଇଥିଲା।ଏହି ଟୁର୍ଣ୍ଣାମେଣ୍ଟ ରେ ପ୍ରତ୍ୟେକ ଦିନ ତିନୋଟି ଲେଖାଏଁ ୧୦ଓଭର ବିଶିଷ୍ଟ ମ୍ୟାଚ ଖେଳିବାପାଇଁ କମିଟି ପକ୍ଷରୁ ସ୍ଥିର କରାଯାଇଛି। ଆଜି ପ୍ରଥମ ଦିନରେ ପ୍ରଥମେ ଲିଗ ମ୍ୟାଚ ଦୁଇଟି ଓ କ୍ୱାଟର ଫାଇନାଲ ଗୋଟିଏ ଖେଳାଯାଇଛି। ପ୍ରଥମ ଲିଗ ମ୍ୟାଚ ଟି କଳାହାଣ୍ଡି-ମୋହନଗିରି ଓ ଖୁଣ୍ଟିଗୋରା (ବୌଦ୍ଧ)ମଧ୍ୟରେ ଅନୁଷ୍ଠିତ ହୋଇଥିଲା । ପ୍ରଥମେ ଟସ ଜିତି ଖୁଣ୍ଟିଗୋରା ଦଳ ଫିଲ୍ଡିଂ ର ନିଷ୍ପତି ନେଇଥିଲେ। ମୋହନଗିରି ଦଳ ବ୍ୟାଟିଂ କରି ୧୦ ଓଭର ରେ (୯.୧)ଓ ଖେଳି ସମସ୍ତ ଉଇକେଟ ହରାଇ ୭୮ରନ ଖୁଣ୍ଟିଗୋରା ଦଳକୁ ଟାର୍ଗେଟ ଦେଇଥିଲେ ବିପକ୍ଷରେ ଖୁଣ୍ଟିଗୋରା ଦଳ ନିର୍ଦ୍ଧାରିତ ୧୦ଓଭର ରେ (୬.୧)ଓଭର ଖେଳି ଦୁଇଟି ଉଇକେଟ ହରାଇ ୭୯ ରନ କରି ପ୍ରଥମ ମ୍ୟାଚ ବିଜୟ ହାସଲ କରିଥିଲେ।ଏବଂ ପରେ ଦ୍ଵିତୀୟ ମ୍ୟାଚ ଅନୁଷ୍ଠିତ ହୋଇଥିଲା ମ.ରାମପୁର (କଳାହାଣ୍ଡି)ଓ ସଇଁତଲା (ବଲାଙ୍ଗୀର )ମଧ୍ୟରେ,ଏହି ମ୍ୟାଚ ରେ ପ୍ରଥମେ ସଇଁତଲା ଦଳ ଟସ ଜିତି ବ୍ୟାଟିଂ ର ନିଷ୍ପତ୍ତି ନେଇଥିଲେ । ୧୦ ଓଭର ମ୍ୟାଚ ଖେଳି ଦୁଇଟି ଉଇକେଟ ହରାଇ ୧୭୯ ରନ ର ଟାର୍ଗେଟ ଦେଇଥିଲେ ମ.ରାମପୁର ଦଳକୁ,ବିପକ୍ଷରେ ମ.ରାମପୁର ଦଳ ନିର୍ଦ୍ଧାରିତ ୧୦ ଓଭର ଖେଳି ୫ଟି ଉଇକେଟ ହରାଇ ୧୩୬ ରନ କରି ଅବଶିଷ୍ଟ (୪୩)ରନ ରେ ପରାଜୟ ହୋଇଥିଲେ। ଏବଂ ଶେଷରେ ତୃତୀୟ ମ୍ୟାଚରେ ପ୍ରଥମ ଦୁଇଟି ବିଜୟ ଦଳକୁ ନେଇ କ୍ୱାଟର ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା, ଖୁଣ୍ଟିଗୋରା ଓ ସଇଁତଲା ଦଳକୁ ନେଇ।ଏହି ମ୍ୟାଚରେ ପ୍ରଥମେ ଟସ ଜିତି ସଇଁତଲା ଦଳ ବ୍ୟାଟିଂ କରିଥିଲେ ୧୦ ଓଭର ଖେଳି ୫ଉଇକେଟ ହରାଇ ଖୁଣ୍ଟିଗୋରା ଦଳକୁ ୧୮୫ ରନ ଟାର୍ଗେଟ ଦେଇଥିଲେ,ବିପକ୍ଷରେ ଖୁଣ୍ଟିଗୋରା ଦଳ ନିର୍ଦ୍ଧାରିତ୧୦ ଓଭର ମ୍ୟାଚ ଖେଳି ୬ଟି ଉଇକେଟ ହରାଇ ୯୦ ରନ ସଂଗ୍ରହ କରି ଅବଶିଷ୍ଟ୯୪ ରନ ରେ ପରାଜୟ କରିଥିଲେ । ଏବଂ ସଇଁତଲା ଦଳ ଆଜିର ଏହି କ୍ୱାଟର ଫାଇନାଲ ମ୍ୟାଚ ଜିତି ସେମିଫାଇନାଲ ମ୍ୟାଚ କୁ ପ୍ରବେଶ କରିଛି । ଶେଷରେ ଦୁଇଟି ଦଳର ଖେଳାଳି ମାନଙ୍କୁ ମେନ ଅଫ ଦି ମ୍ୟାଚ ଦିଆ ହୋଇଥିଲା।ଖୁଣ୍ଟିଗୋରା ଦଳର ଖେଳାଳି ଦେବାଶିଷ ସାହୁ,ଦ୍ୱିତୀୟ ଇନିଂସ ଖେଳ ରେ ସଇଁତଲାର ବାବୁଲା ମାଝୀ ଏବଂ ତୃତୀୟ ମ୍ୟାଚ ରେ ସଇଁତଲା ର ବାଲାଜି ବୈଠାରୁଙ୍କୁ ମେନ ଅଫ ଦି ମ୍ୟାଚ ଘୋଷଣା କରାଯାଇଛି। ଆଜିର ଏହି ଖେଳରେ ମୁଖ୍ୟ ଅତିଥି ଭାବରେ ଜନ୍ମେଜୟ ଶବର ଥିବାବେଳେ ଖେଳ ପରିଚାଳନା ଦାୟିତ୍ୱରେ ଚାରିଜଣ ଅମ୍ପିୟାର ସୁଦାମ ସେଠ,ସତ୍ୟ ମହାପାତ୍ର, ଜିତୁରାମ ପଧାନ ଓ ସତ୍ୟମ ମହାପାତ୍ର ପରିଚାଳନା କରୁଥିଲେ। ସେହି ଭଳି ସ୍କୋର ବୋର୍ଡରେ ସୁନୀଲ ଭୋଇ ଓ ଚନ୍ଦ୍ରଭାନୁ ବେହେରା ଓ କମେଣ୍ଟ୍ରି ରେ ସ୍ବପ୍ନେଶ୍ବର କର୍ମୀ ଓ ଶଶୀ କାନ୍ତ ମାଝୀ ସହଯୋଗ କରି ଖେଳ ପରିଚାଳନା କରିଥିଲେ।

