ବାଲେଶ୍ବର,୨୦ା୧( ନରେନ୍ଦ୍ର ପ୍ରସାଦ ବେହେରା ) : ବାଲେଶ୍ଵର ଜିଲ୍ଲା ଖଇରା ବ୍ଲକ , ଖଇରା ପ୍ରାଥମିକ ବିଦ୍ଯାଳୟ ପରିସରରେ ବୌଦ୍ଧରୁ ପ୍ରକାଶ ପାଉଥିବା ମାସିକ ଶିକ୍ଷାଧର୍ମୀ ପତ୍ରିକା ଜ୍ଞାନ ପ୍ରକାଶ ତରଫରୁ ରାଜ୍ଯ ସ୍ତରୀୟ ସାଧାରଣ ଜ୍ଞାନ ପ୍ରତିଯୋଗିତା ସାମ୍ବାଦିକ ନରେନ୍ଦ୍ର ପ୍ରସାଦ ବେହେରାଙ୍କ ତତ୍ତ୍ବାବଧାନରେ ଅନୁଷ୍ଠିତ ହୋଇଯାଇଛି । ଏଥିରେ ବ୍ଲକର ବିଭିନ୍ନ ବିଦ୍ଯାଳୟରୁ ୧୦୦ରୁ ଉର୍ଦ୍ଧ ଛାତ୍ରଛାତ୍ରୀ ଭାଗ ନେଇଥିଲେ । ସେଥିମଧ୍ୟରୁ ସିନିଅର ବିଭାଗରେ ବାଞ୍ଛାକଳ୍ପ ସଂସ୍କୃତ ମହାବିଦ୍ୟାଳୟ ଦଇପୁରର ଛାତ୍ର କୃଷ୍ଣ ଚନ୍ଦ୍ର ପରିଡା ପ୍ରଥମ , ନିରଞ୍ଜନ ବିଶ୍ଵାଳ ଦ୍ବିତୀୟ , ଛାତ୍ରୀ ପ୍ରେରଣା ଦତ୍ତ ତୃତୀୟ , ଜୁନିଅର ବିଭାଗରେ ଆଦର୍ଶ ଶିକ୍ଷା ମନ୍ଦିର ଖଇରାର ଛାତ୍ରୀ ସାଇଲକ୍ଷ୍ମୀ ବାରିକ ପ୍ରଥମ, ଛାତ୍ର ରାଜୀବ ଦାସ ଦ୍ବିତୀୟ, ଶକ୍ତି ପ୍ରସାଦ ସେଠୀ ତୃତୀୟ ଓ ସବଜୁନିଅର ବିଭାଗରେ ସରସ୍ବତୀ ଶିଶୁ ମନ୍ଦିର ଖଇରାର ଛାତ୍ରୀ ଅଂଶିତା ମହାନ୍ତି ପ୍ରଥମ , ଦେବସ୍ମିତା ଶତପଥୀ ଦ୍ବିତୀୟ ଓ ଛାତ୍ର ଭାଗବତ ମହାନ୍ତି ତୃତୀୟ ସ୍ଥାନ ଅଧିକାର କରିଥିଲେ । ଏହି ଉପଲକ୍ଷେ ଶିକ୍ଷକ ଭରତ ଚନ୍ଦ୍ର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ବ୍ଲକ ଅଧ୍ଯକ୍ଷା ଅଭିଲିପ୍ସା ସାହୁ , ସମ୍ମାନିତ ଅତିଥି ଭାବରେ ବ୍ଲକ ପ୍ରାଥମିକ ସଂଘର ସଭାପତି କମଳ ଲୋଚନ ଜେନା , ଧୋବାଗଡିଆ ପ୍ରାଥମିକ ବିଦ୍ୟାଳୟର ଶିକ୍ଷୟିତ୍ରୀ ରୀତାରାଣୀ ଦାସ ଯୋଗଦେଇ ଛାତ୍ରଛାତ୍ରୀ ଓ ଅଭିଭାବିକାଙ୍କ/ଅଭିଭାବିକା ମାନଙ୍କୁ କହିଥିଲେ କି- ବ୍ଯକ୍ତିର ବ୍ଯକ୍ତିତ୍ବର ବିକାଶର ଆଧାର ହେଉଛି ଜ୍ଞାନ । ଏହି ଜ୍ଞାନ ହିଁ ଜୀବନର ବିକାଶ ଦେଖାଇଥାଏ । ପିଲାମାନଙ୍କ ମଧ୍ୟରେ ପିଲା ଦିନରୁ ହିଁ ଯଦି ଜ୍ଞାନ ପ୍ରତି ଆଗ୍ରହ ଜନ୍ମାଇ ଦିଆଯାଏ ତେବେ ଯୌବନ କାଳରେ ସେମାନେ ଜୀବନରେ ଆସୁଥିବା ସମସ୍ତ ଆହ୍ବାନକୁ ଅତି କୁଶଳତା ସହିତ ସାମ୍ନା କରିପାରିବେ । ସେଥିପାଇଁ ବୌଦ୍ଧରୁ ପ୍ରକାଶ ପାଉଥିବା ମାସିକ ଶିକ୍ଷାଧର୍ମୀ ପତ୍ରିକା ମାଧ୍ଯମରେ ପିଲାମାନଙ୍କ ମନରେ ଜ୍ଞାନ ପ୍ରତି ଆଗ୍ରହ ଜନ୍ମାଇବା ସହ ଅଧିକରୁ ଅଧିକ ଜ୍ଞାନ ଆହରଣ କରି ନିଜକୁ ସବୁ କ୍ଷେତ୍ରରେ ସକ୍ଷମ କରି ଏକ ସଫଳ ବ୍ଯକ୍ତିତ୍ବ ଭାବରେ ଗଢ଼ି ତୋଳିବାର ପ୍ରୟାସ ପାଇଁ ପତ୍ରିକା ତରଫରୁ ଆଜିର ଏ ଉଦ୍ଯମ । ପ୍ରକାଶ ଥାଉକି–ଏଠାରେ ଜ୍ଞାନ ପ୍ରକାଶ ସୂଚାଇ ଦିଏ ଯେ, ପୃଥିବୀରେ ଜ୍ଞାନ ଆହରଣର କୌଣସି ସୀମା ନାହିଁ , ଜ୍ଞାନ ହିଁ ସମସ୍ତ ସଫଳତାର ଚାବିକାଠି । ଏହା ଏକ ଆନ୍ଦୋଳନର ରୂପ ନେଇଛି । ଜ୍ଞାନ ପ୍ରକାଶର ପାଠକ ମାନଙ୍କ ମନରେ ବିବିଧ ବିଷୟରେ ଜ୍ଞାନ ଆହରଣ କରିବା ପାଇଁ ଆଗ୍ରହ ସୃଷ୍ଟି କରିଛି । ଜ୍ଞାନ ପ୍ରକାଶ ଆଜି ସମଗ୍ର ଭାରତ ବର୍ଷରେ ପ୍ରସାରିତ ହୋଇପାରିଛି । ଯାହାକି ସାରା ଦେଶର ଶିକ୍ଷାବିତ୍,ଶିକ୍ଷାର୍ଥୀ ଓ ଅଭିଭାବକ ମାନଙ୍କୁ ଗୋଟିଏ ସୂତ୍ରରେ ବାନ୍ଧିବାର ପ୍ରୟାସ କରିଛି । ପିଲାମାନେ ତୁମମାନଙ୍କ ଆର୍ଶୀବାଦ ଓ ଜ୍ଞାନ ପ୍ରକାଶ ପତ୍ରିକାକୁ ଭଲପାଇବା ଆଗାମୀ ଦିନରେ ଆମ ସମାଜର ସମଗ୍ର ଉନ୍ନତି ସାଧନ ନିମନ୍ତ ସହାୟ ହେବ ବୋଲି ମଞ୍ଚାସୀନ ଅତିଥିମାନେ ବକ୍ତବ୍ଯ ପ୍ରଦାନ କରିଥିଲେ । ଶେଷରେ କୃତି ପ୍ରତିଯୋଗୀମାନଙ୍କୁ ଅତିଥିମାନେ ସଫଳତାର ପ୍ରମାଣ ପତ୍ର ପ୍ରଦାନ କରିଥିଲେ ।
ଆଗାମୀ ଏପ୍ରିଲ ମାସରେ ବୌଦ୍ଧ ଠାରେ ଅନୁଷ୍ଠିତ ହେଉଥିବା ଅଲ ଇଣ୍ଡିଆ ରାଇଟରସ୍ ସମ୍ମିଳନୀରେ ଜ୍ଞାନ ପ୍ରକାଶ ତରଫରୁ କୃତି ପ୍ରତିଯୋଗୀ ମାନଙ୍କୁ ସମ୍ବର୍ଦ୍ଧିତ କରାଯିବାର କାର୍ଯ୍ୟକ୍ରମ ରହିଛି ବୋଲି ସମ୍ପାଦକ ସରୋଜ କୁମାର ସାହୁ ଓ ମୁଖ୍ଯ ଉପଦେଷ୍ଟା ଜ୍ଞାନ ଚାନ୍ଦ ଶତପଥୀ ପ୍ରକାଶ କରିଛନ୍ତି । ଏଥିରେ ପ୍ରଧାନ ଆଚାର୍ଯ୍ୟ ଶଶିକାନ୍ତ ଦାସ,ଡମ୍ବରୁଧର ବାରିକ , ଅଧ୍ଯାପକ ଅନନ୍ତ ଚରଣ ରାଉଳ ଓ ମଣି ସାର୍ ପ୍ରମୁଖ ଆରମ୍ଭରୁ ଶେଷ ପର୍ଯ୍ୟନ୍ତ ସହଯୋଗ କରିଥିଲେ । ଶେଷରେ ଶିକ୍ଷକ ଭରତ ଚନ୍ଦ୍ର ସାହୁ ଧନ୍ୟବାଦ ଦେଇଥିଲେ ।
