ବାଲେଶ୍ୱର,୧୬।୧୨,(ଡି.ଏଚ/ନରେନ୍ଦ୍ର ପ୍ରସାଦ ବେହେରା) : ବାଲେଶ୍ବର ଜିଲ୍ଲା ଖଇରା ଥାନା ଅଧିନ ରଇଁତିରା ଗ୍ରାମର ସୁଶାନ୍ତ ଦାସଙ୍କ ପତ୍ନୀ ଶକୁନ୍ତଳା ଦାସଙ୍କ ଉପରେ ମରଣାତ୍ମକ ଆକ୍ରମଣ ହୋଇଛି । ଖବରନେବାରୁ ଜଣାପଡିଛି ଆଜି ପ୍ରାୟ ରାତି ସାଢେ ୮ ଟା ବେଳେ ଶକୁନ୍ତଳା ଦାସ ବାହାରକୁ ଯାଇଥିବା ବେଳେ ହଠାତ୍ ଜଣେ ଦୁର୍ବୃତ୍ତ ଶକୁନ୍ତଳାଙ୍କ ମୁହଁକୁ ଜାବୁଡି ଧରି ଗଳାକୁ ଧାରୁଆ ଅସ୍ତ୍ରରେ କାଟିବାକୁ ପ୍ରୟାସ କରିଥିଲେ । କିନ୍ତୁ ଶକୁନ୍ତଳା ଜୋରସେ ଚିତ୍କାର କରି ଦୁର୍ବୃତ୍ତଙ୍କ ପାଖରୁ ଖସିଯାଇ ନିଜ ଶାଶୁ ଶଶ୍ବଶୁରଙ୍କୁ ଡାକ ଛାଡିଥିଲେ । ଠିକ ଏହି ସମୟରେ ସ୍ୱାମୀ ସୁଶାନ୍ତ ଆସି ଶକୁନ୍ତଳାଙ୍କୁ ରକ୍ତାତରେ ଗୁରୁତର ହୋଇଥିବା ଦେଖି ସଙ୍ଗେ ସଙ୍ଗେ ଖଇରା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣି ଚିକିତ୍ସା କରାଇଥିଲେ । ସ୍ୱାମୀ ସୁଶାନ୍ତ କହିବା ଅନୁଯାୟୀ ବିଗତ ପାଞ୍ଚ ଦିନ ତଳେ ଶକୁନ୍ତଳାଙ୍କୁ କାଠ ଫାଳିଆରେ ବାଡେଇ ହାତ ଓ ଆଖି କୁ ମାରି କ୍ଷତ ବିଖ୍ୟାତ କରିଥିଲେ ଭାଗବତ ଦାସ । ଖଇରା ଥାନାରେ ଏକ ମାମଲା ରୁଜୁ କରିଥିଲେ, ଇତି ମଧ୍ୟରେ ଦିଅର ଭାଗବତ ଲୁଚି କୁଆଡେ ପଳାଇଯାଇଥିଲା ।
