ବାର୍ଷିକ କ୍ରୀଡା ଦିବସ ପାଳିତ

408
ADVERTISEMENT

ବାଲେଶ୍ୱର,୬/୧୨(ଡି.ଏଚ/ନରେନ୍ଦ୍ର ପ୍ରସାଦ ବେହେରା)-ବାଲେଶ୍ୱର ଜିଲ୍ଲା ଖଇରା ତହସିଲ ନିକଟସ୍ଥ ବିବେକାନନ୍ଦ ଶିକ୍ଷା କେନ୍ଦ୍ରର ବାର୍ଷିକ କ୍ରୀଡା ଦିବସ ପାଳିତ ହୋଇଯାଇଛି । ଉଦଘାଟକ ଭାବେ ଖଇରା ତହସିଲଦାର ପ୍ରଦୀପ କୁମାର ସାହୁ ଯୋଗଦେଇ ପତକା ହଲାଇ ଉଦଘାଟନ କରିଥିଲେ । ଖଇରା କଲେଜର ଅଧ୍ୟକ୍ଷ ଉମେଶ ଚନ୍ଦ୍ର ନାୟକ ମୁଖ୍ୟ ଅତିଥି ଭାବେ ଯୋଗଦେଇ ବିଦ୍ୟାର୍ଥୀ ମାନଙ୍କ ନିମନ୍ତେ କ୍ରୀଡ଼ା ଏକାନ୍ତ ଆବଶ୍ୟକ ବୋଲି କହିଥିଲେ । ସଂପାଦକ ରମେଶ ଚନ୍ଦ୍ର ସାହୁ ଶାରୀରିକ ବ୍ୟାୟାମ ବିନା ଶିକ୍ଷା ଅଧୁରା ବୋଲି ତାଙ୍କ ବକ୍ତଵରେ କହିଥିବା ବେଳେ ପ୍ରଧାନ ଆଚାର୍ଯ୍ୟ କ୍ରୀଡ଼ା ବିଷୟରେ ଅନେକ କିଛି ଉପାଦେୟ ଉପଦେଶ ଦେଇଥିଲେ । ଏଥିରେ ବିଦ୍ୟାଳୟର ଗୁରୁଜୀ/ଗୁରୁମାମାନେ ତଥା ଶିବ ପ୍ରସାଦ ଦାସ,ବନମାଳି ବେହେରା,ରୀତାରାଣୀ ନାଥ, ଶୁଭଲଗ୍ନା ପାଢୀ,ରଞ୍ଜିତା ପାତ୍ର,ସାଇପ୍ରିୟା ସେଠୀ,ବାସନ୍ତୀଲତା ଜେନା,ପ୍ରିୟଙ୍କା ବିଶ୍ବାଳ,ସରସ୍ବତୀ ସାହୁ,ଦୀପାଞ୍ଜଳୀ ସାମଲ ପ୍ରମୁଖ ସହଯୋଗ କରିଥିଲେ । ଏହି କ୍ରୀଡ଼ା ଉତ୍ସଵରେ ବିଦ୍ୟାଳୟର ଛାତ୍ରଛାତ୍ରୀ ମାନଙ୍କ ମଧ୍ୟରେ ପୁଚି,ସ୍ଲିପିଙ୍ଗ୍,ସର୍ଟଫୁଟ୍,ଅଙ୍କ ଦୌଡ଼,ମ୍ଯୁଜିକ୍ ଚେୟାର, ଗଣିତ ଦୌଡ଼,ଲମ୍ବଡିଆଁ ଆଦି କ୍ରୀଡ଼ା ସଂପାଦିତ ହୋଇଥିଲା । ଏଥିରେ କୃତିତ୍ୱ ଅର୍ଜନ କରିଥିବା ଛାତ୍ରଛାତ୍ରୀମାନଙ୍କୁ ବାର୍ଷିକ ଉତ୍ସଵରେ ପୁରସ୍କୃତ କରାଯିବ ବୋଲି ଘୋଷଣା କରାଯାଇଥିଲା । ଶେଷରେ ବିଦ୍ୟାଳୟର ପ୍ରଧାନ ଆଚାର୍ଯ୍ୟଙ୍କ ଧନ୍ୟବାଦ ପରେ କାର୍ଯ୍ୟକ୍ରମ ଶେଷ ହୋଇଥିଲା ।

Advertisement