ବାଲେଶ୍ବର,୩।୧୨:(ଡି.ଏଚ/ନରେନ୍ଦ୍ର ପ୍ରସାଦ ବେହେରା) : ବାଲେଶ୍ବର ଜିଲ୍ଲା ଖଇରା ପ୍ରାଥମିକ ବିଦ୍ଯାଳୟ ପରିସରରେ ବିଶ୍ଵ ଦିବ୍ଯାଙ୍ଗ ଦିବସ ବିଦ୍ଯାଳୟର ପ୍ରଧାନ ଶିକ୍ଷକ ଗୟାଧର ଜେନାଙ୍କ ତତ୍ତ୍ଵା ବଧାନରେ ପାଳିତ ହୋଇଯାଇଛି । ଏହି ଅବସରରେ ବ୍ଲକର ସମସ୍ତ ବିଦ୍ଯାଳୟରୁ ଆସିଥିବା ଦିବ୍ଯାଙ୍ଗମାନଙ୍କ ମଧ୍ଯରେ ସଙ୍ଗୀତ, ନୃତ୍ୟ, ଚିତ୍ରାଙ୍କନ,ମିୟୁଜିକ୍ ଚେୟାର ଓ ପେଣ୍ଟିଙ୍ଗରେ ପ୍ରତିଯୋଗିତା ହୋଇଥିଲା । ଏଥିରେ ମୁଖ୍ଯ ଅତିଥି ଭାବେ ବିଇଓ ଧରଣୀଧର ପାତ୍ର ଯୋଗଦେଇ ଉଦଘାଟନ କରିଥିଲେ । ଏହି ଉପଲକ୍ଷେ ଅନୁଷ୍ଠିତ ସଭାରେ ବିଇଓ ଶ୍ରୀ ପାତ୍ରଙ୍କ ସଭାପତିତ୍ବରେ ଏବିଇଓ ସୁଦର୍ଶନ ରାଉତ,ଶ୍ରୀଧର ବେହେରା, ଗୋଲକ ପାଢୀ,ବିଷ୍ଣୁପଦ ବହଳି,କମଳଲୋଚନ ଜେନା,ତପନ ତ୍ରିପାଠୀ, ଗୟାଧର ଜେନା ପ୍ରମୁଖ ମଞ୍ଚାସୀନ ହୋଇ ବିଶ୍ଵ ଦିବ୍ଯାଙ୍ଗ ଦିବସ ଉପରେ ବକ୍ତବ୍ଯ ରଖିଥିଲେ । ବିଆରପି ମନୋଜ କୁମାର ମହାପାତ୍ର ଓ ଭାଗିରଥି ନାୟକଙ୍କ ପରିଚାଳନାରେ ସିଆରସିସି ସୁଶାନ୍ତ କୁମାର ମହାପାତ୍ର, ସୁଦର୍ଶନ ସେଠୀ,ଅଶୋକ କୁମାର ଦାସ,ଲକ୍ଷ୍ମଣ ସେନ୍,ଲମ୍ବୋଦର ଦାସ,ଅପର୍ଣ୍ଣାମଞ୍ଜରୀ ବେହେରା ,ଆଇଇଭି ହରେକୃଷ୍ଣ ବେହେରା, ମଳୟ ଶତପଥୀ, ରାଜୀବ ସିଂ,ପ୍ରତାପ ଉପାଧ୍ୟାୟ ଓ ମୀନାରାଣୀ ଜେନା କାର୍ଯ୍ୟକ୍ରମ ସୁପରିଚାଳନା ଦାୟିତ୍ୱରେ ଥିଲେ । ଅଶୋକ ମହାନ୍ତି, ସୁଶାନ୍ତ ନାୟକ, ଖୋକନ ସେଠୀ,ବିଦ୍ଯାଧର ଦାସ,ନିଗମ ନିକୁଞ୍ଜ ସେଠୀ,ଦେବାଶିଷ ରାଉତ ପ୍ରମୁଖ ସମସ୍ତ ବିଇଓ ଅଫିସ୍ କର୍ମଚାରୀ ସମ୍ପୂର୍ଣ୍ଣ ରୂପେ ଆଦ୍ଯରୁ ଶେଷ ପର୍ଯ୍ୟନ୍ତ ସହଯୋଗ କରିଥିଲେ । ସଭାକାର୍ଯ୍ଯ ଶେଷରେ ବିଭିନ୍ନ ବିଭାଗର କୃତି ପ୍ରତିଯୋଗିମାନଙ୍କୁ ମଞ୍ଚାସୀନ ଅତିଥିମାନେ ପୁରସ୍କାର ବିତରଣ କରିଥିଲେ । ଶେଷରେ ବିଆରପି ଭାଗିରଥି ନାୟକ ଧନ୍ୟବାଦ ଅର୍ପଣ କରି ସଭା ସମାପନ କରିଥିଲେ ।
