କୁକୁଡ଼ାଖଣ୍ଡି,୧୬/୧୨(ଇ ରଞ୍ଜନ):-କୁକୁଡ଼ାଖଣ୍ଡି ବ୍ଲକ ଅନ୍ତର୍ଗତ ମସିହାଖାଲି ପଞ୍ଚାୟତ ଅନ୍ତର୍ଗତ କୃପାସିନ୍ଧୁ ପୁର ଗ୍ରାମ ସ୍ଥିତ ସତ୍ୟବାଦୀ ଉଚ୍ଚ ବିଦ୍ୟାଳୟ ପରିସରରେ ବାର୍ଷିକ କ୍ରୀଡ଼ା ଉତ୍ସବ ଅନୁଷ୍ଠିତ ହୋଇଯାଇଛି । ଅନୁଷ୍ଠିତ କାର୍ଯ୍ୟକ୍ରମରେ ବିଦ୍ୟାଳୟ ପ୍ରଧାନ ଶିକ୍ଷକ ସନ୍ତୋଷ କୁମାର ସ୍ୱାଇଁ ଙ୍କ ଅଧ୍ୟକ୍ଷତାରେ ମୁଖ୍ୟ ଅତିଥି ରୂପେ ୧୦ନଂ ଜିଲ୍ଲା ପରିଷଦ ସଭ୍ୟା ଶ୍ରୀମତୀ ଭାରତୀ ନାୟକ ଯୋଗ ଦେଇଥିବା ବେଳେ ମୁଖ୍ୟ ବକ୍ତା ଭାବେ ସ୍ଥାନୀୟ ସରପଞ୍ଚ କେ ବୁଲୁ,ସଂମାନ୍ନୀତ ଅତିଥି ରୂପେ ଷ୍ଟେଟ ବକ୍ସିଙ୍ଗ କୋଚର ବି ବାବୁ ରାଓ,ସ୍କୁଲ କମିଟି ସଭାପତି ମନ୍ଦାକିନୀ ଗୌଡ଼,ସମ୍ପାଦିକା ଅନିତା ଗୌଡ଼ ପ୍ରମୁଖ ଅତିଥି ରୂପେ ଯୋଗ ଦେଇଥିଲେ।ଅତିଥି ମାନଙ୍କ ଦ୍ଵାରା ବିଦ୍ୟାଳୟ ଉତ୍ତୀର୍ଣ୍ଣ ଛାତ୍ର ଛାତ୍ରୀ ମାନଙ୍କୁ ମାନ ପତ୍ର ସହ ସିଲ୍ ପ୍ରଦାନ କରାଯାଇଥିଲା।ଏହି ଅବସରରେ ଛାତ୍ର ଛାତ୍ରୀ ମାନଙ୍କ ଦ୍ଵାରା ଚିତାକର୍ଷକ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା।ଉପସ୍ଥିତ ଶିକ୍ଷକ ଶିକ୍ଷୟିତ୍ରୀ ଓ ଅଭିଭାବକ ମାନେ ଏହାର ଢେର ମଜ୍ଜା ନେଇଥିଲେ। ଏହି ଉତ୍ସବ କାର୍ଯ୍ୟକ୍ରମକୁ ବିଦ୍ୟାଳୟର ଶିକ୍ଷକ ସାଇ ବିଭୁତି ବେହେରା,ହର ପ୍ରସାଦ ବିଷୋୟୀ, ଆଦିକନ୍ଦ ସାହୁ,ଶିକ୍ଷୟତ୍ରୀ ଲିବିତା କୁମାରୀ ନାୟକ,ଉର୍ମିଳା କୁମାର ଦଳେଇ,କୁମାରୀ କାର୍ଜି,ସନ୍ଧ୍ୟାରାଣୀ ରଣା,ଦୀପ୍ତିରାଣୀ ନାୟକ,ସରିତା କୁମାରୀ ନାୟକ,ବକ୍ସିଙ୍ଗ ଚମ୍ପିୟାନ ବି.ବାବୁ ରାଓ, ସଚ୍ଚିତାନନ୍ଦ ସାହୁ,କଦମ୍ବିନୀ ନାୟକ, ସଦାନନ୍ଦ ପ୍ରଧାନ ପ୍ରମୁଖ ଉପସ୍ଥିତ ରହି ପରିଚାଳନାରେ ସହଯୋଗ କରିଥିଲେ।
