ବ୍ରହ୍ମପୁର,୧୪/୧୦(ଇ ରଞ୍ଜନ):-କୁକୁଡାଖଣ୍ଡି ସଦରଥାନା ଅନ୍ତର୍ଗତ ଆମ୍ବଗଡ଼ ଠାରେ ପାଣି ବୁହା ଡାଲା ଅଟୋ ସହ ବାଇକ ଦୁର୍ଘଟଣା ଘଟି ଅଟୋ ଚାଳକଙ୍କ ମୃତ୍ୟୁ ଘଟିଛି l ଏଭଳି ସଡ଼କ ଦୁର୍ଘଟଣା ଆମ୍ବଗଡ ସ୍ମଶାନ ଠାରେ ବହୁବାର ଘଟିଛି ଏଠାରେ ବହୁ ଲୋକଙ୍କ ପ୍ରାଣହାନି ମଧ୍ୟ ଘଟିଛି l ଦକ୍ଷିଣପୁର ନିକଟସ୍ଥ ଅଞ୍ଚଳରୁ ପାଣି ବିକ୍ରିକରି ବ୍ରହ୍ମପୁର ଫେରୁଥିବା (ଓଡି0୭ଏନ ୧୩୩୯) ଅଟୋର ପଛକୁ ଓଡି 0୭ ଏଜି ୩୭0୯ ୟମ୍ହା ଆର୧0୫ ବାଇକଟି ଦ୍ରୁତ ଗତିରେ ଆସି ଧକ୍କାଦେବା ଫଳରେ ଅଟୋ ଟି ଭରସାମ୍ୟ ହରେଇ ରାସ୍ତା ପାର୍ଶ୍ୱରେ ଚାଲିଯାଇଥିଲା ଏବଂ ଅଟୋର କାଚକୁ ବାଡେଇ ହୋଇ ଡ୍ରାଇଭର ଜଣଙ୍କର ମୁଣ୍ଡରେ ଶକ୍ତ ଆଘାତ ବାଜି ତାଙ୍କ ମୃତ୍ୟୁ ଘଟିଥିବା ଜଣାପଡିଛି l
ଘଟଣା ସ୍ଥଳରେ ସଦର ପୁଲିସ ପହଂଚି ବାଇକରେ ଆସୁଥିବା ୨ ଜଣ ଗୁରୁତର ଥିବାରୁ ତାଙ୍କୁ ଉଦ୍ଧାର କରି ମେଡିକାଲ ସ୍ଥାନାନ୍ତର କରାଯାଇଛି ତାଙ୍କରି ପରିଚୟ ମିଳିନଥିବା ପୁଲିସ କହିଛି l ମୃତକ ଜଣକ ହିଞ୍ଜିଳି ଥାନା ଅନ୍ତର୍ଗତ ବ୍ରାମୁଣଛାଇ ଗ୍ରାମର ସିମାଞ୍ଚଳ ଦଳାଇ ବୋଲି ପୁଲିସ କହିଛି l ଏନେଇ ମୃତକଙ୍କ ଜ୍ୱାଇଁ ଏନେଇ ସଦର ଥାନାରେ ଏତଲା ଦେଇଥିଲେ l ଥାନାରେ ଏନେଇ ଅପମୃତ ମାମଲା ରୁଜୁ କରିବା ପରେ ବଡ଼ ମେଡିକାଲ କୁ ବ୍ୟବଛେଦ ନିମନ୍ତେ ନିଆଯାଉଥିବା ସହ ଦୁର୍ଘଟଣା ଗ୍ରସ୍ତ ଉଭୟଙ୍କ ଗାଡିକୁ ଥାନା ରଖା ଯାଇ ତଦନ୍ତ ଚଳାଇଥିବା ଥାନା ଭାରପ୍ରାପ୍ତ ଅଧିକାରୀ ଟୁନା ଶାସମଲଙ୍କ ସୂଚନା l
