ପୁରୁଷୋତ୍ତମପୁର,୩୦/୧୨(ପ୍ରଭାକର ମହାରଣା):-ପୁରୁଷୋତ୍ତମପୁର ସହର ସ୍ଥିତ ତାରାତାରିଣୀ ମହାବିଦ୍ୟାଳୟ ରେ ଶିକ୍ଷା ବିଭାଗ ପକ୍ଷରୁ ‘ନାକ୍ ଆକ୍ରିଡିଏସନ୍ ,ଏ ଚ୍ୟାଲେଞ୍ଜକୁ ହାୟର୍ ଏଜୁକେସନ୍’ଶୀର୍ଷକ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି। ମହାବିଦ୍ୟାଳୟର ଅଧ୍ୟକ୍ଷ ଡ.ସିମାଞ୍ଚଳ ପଟ୍ଟନାୟକଙ୍କ ସଭାପତିତ୍ବରେ ଓ ବିଭାଗୀୟ ମୁଖ୍ୟ ଡ.ଗାୟତ୍ରୀ ଦାଶଙ୍କ ମାର୍ଗଦର୍ଶନରେ ଆୟୋଜିତ କାର୍ଯ୍ୟକ୍ରମରେ ଛାତ୍ର କିରଣ ରାଉଳ ଓ ଛାତ୍ରୀ ସୁଶ୍ରୀ ବସୁନ୍ଧରା ପଣ୍ଡା ସନ୍ଦର୍ଭ ପାଠ କରିଥିଲେ। ସାଧନ କର୍ମୀଭାବେ ନାକ୍ ସଂଯୋଜକ ଡ.ପ୍ରଦୀପ କୁମାର ସାହୁ ଓ ଆଇକ୍ୟୁଏସି ସଂଯୋଜକ ଡ.ସୁବ୍ରତ କୁମାର ଷଡଙ୍ଗୀ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ପ୍ରଥମ ବର୍ଷର ଛାତ୍ରଛାତ୍ରୀମାନଙ୍କୁ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା। ଅଧ୍ୟାପିକା ହରପ୍ରିୟା ନାୟକ, ମଞ୍ଜୁଲତା ଦାଶ , ସମସ୍ତ ଛାତ୍ରଛାତ୍ରୀ ପରିଚାଳନାରେ ସହଯୋଗ କରିଥିଲେ। ଛାତ୍ରୀ ଜ୍ୟୋତିର୍ମୟୀ ଦାସ ସ୍ବାଗତ ଭାଷଣ ଦେଇଥିବାବେଳେ ଛାତ୍ରୀ କଲ୍ୟାଣୀ ଧନ୍ୟବାଦ ଅର୍ପଣ କରିଥିଲେ।
