ପାତ୍ରପୁର,୨୯/୮(ଋଷିକେଷ ବେହେରା):- ପାତ୍ରପୁର ବ୍ଲକ ବି.ନୂଆଗାଁ ପଂଚାୟତର ବି.ନୂଆଗାଁ. ବି.ନୂଆଗାଁଶାସନ, ପମାଗାଁ ,ସବରଦେଇପଟା ଜମିକୁ ବାହୁଦା ନଦୀ କଳିଙ୍ଗାଦଳା ଡ୍ୟାମରୁ ପାଣି ପହଂଚୁନଥିବା ଅଭିଯୋଗା ହୋଇଛି । ଅଭିଯୋଗ ପ୍ରକାରେ ଦୀର୍ଘ ୫ ବର୍ଷ ହେଲାଣି ଏହି ଅଂଚଳରେ ଜଳସେଚନ ହେଉନଥିବାରୁ ଚାଷୀ ନାହିଁନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ବାହୁଦା ଜଳସେଚନର ପକ୍କା କେନାଳ ଏବେ ଲତାବୁଦାରେ ଭରପୂର । ଯାହା ତଳ ମୁଣ୍ଡକୁ ପାଣି ଛାଡିବାରେ ବାଧକ ସାଜିଛି । ଏକର ପିଛା ୭୬ ଟଙ୍କା ଜଳକର ଖଜଣା ପୈଠ କରିଥିବା ଚାଷୀମାନେ ପ୍ରକାଶ କରିଛନ୍ତି । ଏବେ ଦ୍ଵିତୀୟ ଶ୍ରେଣୀ ଜଳଧାରା ଚାଷଜମି ପଡିଆ ପଡିଛି । ପାଣି ଯୋଗାଇ ଦେଲେ ଚାଷ କରିବୁ ବୋଲି ଶତାଧିକ ଚାଷୀ ପାତ୍ରପୁର ତହସିଲ କାର୍ଯ୍ୟାଳୟରେ ପହଂଚି ତହସିଲଦାରଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି ।
