ଭୁବନେଶ୍ଵର,୧୭/୩,(ଡ଼ି.ଏଚ/ବ୍ୟୁରୋ): ନିଆଁ ଲାଗିବାରୁ ଫାଟିଲା ଟ୍ରାନ୍ସଫର୍ମର । ଭୁବନେଶ୍ୱର ଓମଫେଡ ଛକ ନିକଟରେ ଆଜି ଭୋର ସମୟରେ ଏଭଳି ଏକ ଅଘଟଣ ଘଟିଛି । ଆଉ ଏହି ଦୁର୍ଘଟଣାରେ ୪ ଜଣ ଗୁରୁତର ଆହତ ହୋଇଥିବା ସୂଚନା ରହିଛି । ମିଳିଥିବା ସୂଚନା ମୁତାବକ ଭୁବନେଶ୍ୱରର ଚନ୍ଦ୍ରଶେଖରପୁରର ଓମଫେଡ ଛକରେ ଥିବା ଟ୍ରାନ୍ସଫରମରରେ ନିଆଁ ଲାଗିଯାଇଥିଲା । ଆଉ ନିଆଁ ଲାଗିବା ଫଳରେ ଟ୍ରାନ୍ସଫର୍ମରଟି ଫାଟିଯାଇଥିଲା । ଟ୍ରାନ୍ସଫର୍ମରକୁ ଲାଗିଥିବା କାନଗୁଡିକ କ୍ଷତିଗ୍ରସ୍ତ ହୋଇଛି । ଆହତ ମାନଙ୍କୁ ମେଡିକାଲରେ ଭର୍ତ୍ତି କରାଯାଇଥିବାବେଳେ ଆଜି ଭୋର ୫ଟାରେ ନିଆଁ ଲାଗିଥିବା କୁହାଯାଉଛି ।
