ବ୍ରହ୍ମପୁର,୦୨/୦୩(ସୁଦାମ ମହାରଣା) : ଗଞ୍ଜାମ ଜିଲ୍ଲାର ପଵିତ୍ର ଋଷିକୂଲ୍ୟା ନଦୀତଟସ୍ଥ ପାଣ୍ଡିଆ ଗ୍ରାମ ନିକଟବର୍ତ୍ତୀ ”ଜଉଗଡ଼’ ଦୁର୍ଗ” ଇତିହାସ ଗର୍ଭରେ ଧ୍ୱଂସବିଧ୍ୱଂସ ହୋଇଥିଲେ ମଧ୍ୟ ଏହା ଦୀର୍ଘ ପ୍ରାୟ 2250 ବର୍ଷର ଇତିହାସ ବହନ କରେ l ମହାପ୍ରତପୀ ମୋର୍ୟ୍ଯ ସମ୍ରାଟ ଅଶୋକଙ୍କ କଳିଙ୍ଗ ଯୁଦ୍ଧର ବିଭୀଷିକା ଓ ଏହା କିପରି ଚଣ୍ଡାଶୋକଙ୍କ ଧର୍ମାଶୋକରେ ପରିଣତ କରିଥିଲା ତାର ଗାଥା ଗାନ କରେ l ସେ ସମୟରେ ଋଷିକୂଲ୍ୟା ଅବବାହିକାରେ କିପରି ଏକ ବିଶାଳ ଜନପଦ ଥିଲା ଏବଂ ସ୍ଥାନୀୟ ଅଞ୍ଚଳର ଲୋକଙ୍କ ଅବଗତି ନିମନ୍ତେ କିପରି ପଥର କାନ୍ଥରେ ଅନୁଶାସନ ନିୟମାବଳୀ ଖୋଦିତ ହୋଇଥିଲା ତା’ର ଜୀବନ୍ତ ଦୃଶ୍ୟ ପ୍ରତିଫଳିତ କରେ ଏହି ଭଗ୍ନସ୍ତୁପ l ଅଶୋକଙ୍କ ଦ୍ୱାରା ଭାରତବର୍ଷ ବିଭିନ୍ନ ସ୍ଥାନରେ ଥିବା ଶିଲାଲେଖିମାନଙ୍କ ମଧ୍ୟରେ ଜଉଁଗଡ଼ ଶୀଳାଲେଖ ସ୍ୱତନ୍ତ୍ର ସ୍ଥାନ ଅଧିକାର କରିଛି । ଖ୍ରୀଷ୍ଟପୂର୍ବ ୨୫୦ରେ ଖୋଦିତ ଏହି ଶୀଳାଲେଖ ଏକ ବିରାଟ ପ୍ରସ୍ତର କାନ୍ଥରେ ସ୍ଥାପିତ ପଥର କାନ୍ଥକୁ ସମତଳ କରି ‘୪ ଗୋଟି ସ୍ତମ୍ଭରେ ‘୧୩ ଗୋଟି ଅଭିଲେଖ ଅଛି ଯେଉଁଥିରେ ଧର୍ମ, ଶାସନ,ସାମାଜିକ,ବ୍ୟବସ୍ଥା ଇତ୍ୟାଦି କଥା ପାଲ୍ଲିଭାଷାର ମୁକସାକ୍ଷୀ ରୂପେ ଦେଖୀବାକୁମିଳେ l ଆଜି ପୁରୁଷୋତ୍ତମପୁର ଅଞ୍ଚଳର ବାସୀ କାହିଁକି ସମଗ୍ର ଓଡ଼ିଆ ଜାତି ଗର୍ବକରୁ ଯେ, ଏହିପରି ଏକ ଅନନ୍ୟା ଐଁତିହ୍ୟ ଆମ ଜିଲ୍ଲା ଓ ଆମ ଅଞ୍ଚଳରେ ରହିଛି l କିନ୍ତୁ ଦୁଃଖର କଥା ଆଜି ମଧ୍ୟ ଏହାର ବହୁଳ ପ୍ରଚାର ପ୍ରସାର ହୋଇପାରିନାହିଁ କିମ୍ବା ଏହାର ପ୍ରକୃତ ଇତିହାସ ଲୋକଲୋଚନକୁ ଆସିପାରିନାହଁ । ଜଉଗଡ଼ ଐଁତିହ୍ୟକୁ ଲୋକଲୋଚନ ଆଣିବା ପାଇଁ ବହୁବର୍ଷ ଉଦ୍ୟମ ବିଫଳ ସ୍ୱତେ ଗଞ୍ଜାମ ଜିଲ୍ଲା ପ୍ରଶାସନ ଓ ଜଉଗଡ ଉନ୍ନୟନ ପରିଷଦର ମିଳିତ ଆନୁକୂଲ୍ୟରେ ଜଉଗଡ ମହୋତ୍ସବ ମହାଆଡମ୍ବରରେ ପ୍ରଥମ ଥର କରି ଅନୁଷ୍ଠିତ ହୋଇଛି । ଓଡ଼ିଶାର ଆଦର୍ଶ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କନଫେରନ୍ସ ମାଧ୍ୟମରେ ଜଉଗଡ ଐତିହ୍ୟ ମହୋତ୍ସବକୁ ସୋମବାର ସନ୍ଧ୍ୟାରେ ଉଦ୍ ଘାଟନ କରିଥିଲେ ।
ମୁଖ୍ୟଅତିଥି ଭାବେ ବ୍ରହ୍ମପୁର ସାଂସଦ ଚନ୍ଦ୍ର ଶେଖର ସାହୁ,ଆସିକା ସାସଂଦ ପ୍ରମିଳା ବିଷୋୟୀ,ବିଧାୟକ ତଥା ଜିଲ୍ଲା ଯୋଜନା ବୋର୍ଡ ଅଧକ୍ଷ ଶ୍ରୀକାନ୍ତ ସାହୁ,ଜ ଉଗଡ ଉନ୍ନୟନ ପରିଷଦ ଅଧ୍ୟକ୍ଷା ତଥା କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ.ଖଲ୍ଲିକୋଟ ବିଧାୟିକା ସୂର୍ଯ୍ୟ ମଣି ବୈଦ୍ୟ,ଆସ୍କା ବିଧାୟିକା ମଞ୍ଜୁଳା ସ୍ୱାଇଁ,ସୋରଡ଼ା ବିଧାୟକ ପୂର୍ଣ୍ଣ ଚନ୍ଦ୍ର ସ୍ୱାଇଁ,ଛତ୍ରପୁର ବିଧାୟକ ସୁବାଷ ଚନ୍ଦ୍ର ବେହେରା, ଗଞ୍ଜାମ ଜିଲ୍ଲାପରିଷଦ ଉପାଧକ୍ଷା ସ୍ନେହ ଲତା ପଣ୍ଡା ,ପ୍ରଶାସନିକ ଅଧିକାରୀ ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ,
, ଜିଲ୍ଲାପ୍ରକଳ୍ପ ନିର୍ଦେଶକ ସିନ୍ଧେ ଦତ୍ତାତ୍ରେୟ ଭାଉ ସାହେବ ପ୍ରମୁଖ ମଞ୍ଚାସିନ ଥିଲେ ।ଜ ଉଗଡ ଉନ୍ନୟନ ପରିଷଦ ଅଧ୍ୟକ୍ଷା ତଥା କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ ନିମନ୍ତ୍ରିତ ଅତିଥି ଙ୍କୁ ଉତ୍ତରିୟ ,ବୃକ୍ଷ ପ୍ରଦାନ କରି ସମ୍ମାନିତ କରିଥିଲେ । ଉଦ୍ ଘାଟନ ପୂର୍ବରୁ ଜଉଗଡ ମହୋତ୍ସବ କୁ ନେଇ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା
ମୁଖ୍ୟ ବକ୍ତା ଖଲ୍ଲିକୋଟ ବିଶ୍ୱବିଦ୍ୟାଳୟ ପ୍ରାକ୍ତନ ଅଧ୍ୟକ୍ଷ ଡକ୍ଟର ମନ୍ମମଥ ପାଢ଼ୀ,ଉତ୍କଳ ସସ୍କୃତବିଶ୍ୱବିଦ୍ୟାଳୟର କୁଳପତି ପ୍ରଫେସର ବ୍ୟୋମକେଶ ତ୍ରିପାଠୀ ମୂଖ୍ୟ ଅତିଥି ଭାବେ ଯୋଗ ଦେଇଥିଲେ । ପୁରୁଷୋତ୍ତମପୁର ବିଡ଼ିଓ ବିଜୟ କୁମାର ବେହେରା, ଅତିରିକ୍ତ ବିଡ଼ିଓ ମଧୁସୂଦନ ମହାରଣା,ବ୍ଳକ ଅଧକ୍ଷ ,ଜିଲ୍ଲାପରିଷଦ ସଭ୍ୟ ପି ନାରାୟଣ ରାଓ, ଜୀବନ ବିନ୍ଦୁର ସହ ସଂଯୋଜଜ ନିର୍ମଳ ଚନ୍ଦ୍ର ସାହୁ,ପାଣ୍ଡିଆ ସରପଞ୍ଚ ଗୋପାଳ ସେଠୀ,ବିଜେଡି ଯୁବ ନେତା ଅନୀଲ କୁମାର ଦାସ ପ୍ରମୁଖ ଉପସ୍ଥିତ ରହି,କାର୍ଯ୍ୟକ୍ରମକୁ ପରିଚାଳନା ସହଯୋଗ କରିଥିଲେ । |ପ୍ରଥମ ଥର କରି ପୁରୁଷୋତ୍ତମପୁର ବ୍ଳକରେ ହେଉଥିବା ଏହି ମହୋତ୍ସବକୁ ସାରାରାଜ୍ୟ ରେ ଯେପରି ଆଦୃତ ହୋଇପାରିବ ତାକୁ ନେଇ ଓଡିଶାର ପ୍ରସିଦ୍ଧ ସଙ୍ଗୀତ କାର ଅଭିଜିତ ମଜୁନ ଦାର,ସାଥି କଲାକାରଙ୍କୁ ନେଇ ସଙ୍ଗୀତ ପରିବେଶ କରିଥିଲେ ଓ ସହିତ ଭାରତ ବର୍ଷ ପ୍ରସିଦ୍ଧ ଲାଭ କରିଥିବା ଗଞ୍ଜାମର ପରିଚିତ ବ୍ରହ୍ମପୁରର ପ୍ରିନ୍ସି ଡ୍ରେନ୍ସ ଗ୍ରୁପ ତରଫରୁ ପ୍ରୋଫାମନ୍ସ କରିଥିଲେ l ଏହି ଐତିହ୍ୟ ଜଉଁଗଡ଼ ମହୋତ୍ସବକୁ ହଜାର ହଜାର ଦର୍ଶକ ଉପଭୋଗ କରିଥିଲେ ।
