ପାରଳାଖେମୁଣ୍ଡି,୨୦/୦୨/୨୧(ପ୍ରଭାତ କୁମାର ପାତ୍ର) : ଆନ୍ଧ୍ର – ଓଡିଶା ସୀମାକୁ ନେଇ ଲାଗି ରହିଥିବା ବିବାଦ ସମ୍ପର୍କରେ ଆୟୋଜିତ ସାମ୍ବାଦିକ ସମ୍ମିଳନୀରେ ମତ ରଖିଛି ଉକ୍ତଳ ସମ୍ମିଳନୀ । ସମ୍ମିଳନୀର ରାଜ୍ୟ ଉପସଭାପତିଙ୍କ ଦ୍ବାରା ଆୟୋଜିତ ଏହି ସାମ୍ବାଦିକ ସମ୍ମିଳନୀରେ ଜିଲ୍ଲା ତଥା ରାଜ୍ୟର ସୀମାନ୍ତ ଅଞ୍ଚଳରେ ଲାଗି ରହିଥିବା ବିବାଦ ସମ୍ପର୍କରେ ତଥ୍ୟ ରଖି କହିଛନ୍ତି ଆନ୍ଧ୍ର ବିଭିନ୍ନ ଉପାୟରେ ସୀମା ଅତିକ୍ରମ କରି ବିଭିନ୍ନ ଅଞ୍ଚଳକୁ ଅକ୍ତିଆର କରିବାରେ ଲାଗିଛି, ଗଜପତି ଜିଲ୍ଲାର ତିନି ତିନୋଟି ବ୍ଳକ ଗୋଷାଣି, ରାୟଗଡ ଓ କାଶୀନଗରରେ ସୀମାକୁ ନେଇ ବିବାଦ ରହିଛି । ପ୍ରଶାସନ ଓ ଜନସାଧାରଣ ନିଜ ନିଜ ଅଞ୍ଚଳକୁ ଦଖଲରେ ରଖିବାର ଆବଶ୍ୟକତା ରହିଛି। ବିଭିନ୍ନ ସମୟରେ ଆପୋଷ ଆଲୋଚନାରେ ସମାଧାନ ପରେ ମଧ୍ୟ ଓଡିଶା ଭିତରେ ପଶି ବିକାଶ ମୁଳକ କାର୍ଯ୍ୟ ଜାରି ରଖିବା ହେତୁ ବିବାଦ ଲାଗି ରହିଛି, ଏହାର ସ୍ଥାୟୀ ସମାଧାନ ପାଇଁ ରାଜ୍ୟ ସ୍ତରରେ ପଦକ୍ଷେପ ନେବାର ଆବଶ୍ୟକତା ରହିଛି। ରାଜ୍ୟ ସରକାରଙ୍କୁ ପୁର୍ବରୁ ଉକ୍ତଳ ସମ୍ମିଳନୀ ସମସ୍ତ ତଥ୍ୟ ଯୋଗାଇ ଦେଇଛି 1936 ମସିହାରୁ ଓଡିଶାର ସୀମା ନିର୍ଦ୍ଧାରଣ ହୋଇସାରିଥିଲା 1952 ମସିହାରେ କିଭଳି ଭାବରେ ଆନ୍ଧ୍ର ତାର ମ୍ୟାପରେ ସେସବୁକୁ ସ୍ଥାନ ଦେଇଛି ତାହାକୁ ଯୁକ୍ତି ଉପସ୍ଥାପନ କରିବା ଆବଶ୍ୟକତା ରହିଛି ବୋଲି ସାମ୍ବାଦିକ ସମ୍ମିଳନୀରେ ସୁଚନା ଦେଇଛନ୍ତି ଉକ୍ତଳ ସମ୍ମିଳନୀର ରାଜ୍ୟ ଉପସଭାପତି ପୁର୍ଣ୍ଣ ଚନ୍ଦ୍ର ମହାପାତ୍ର।
