ମାଲକାନଗିରି,୨୯/୦୧/୨୧ (ଡ଼ି.ଏଚ/ବ୍ୟୁରୋ) : ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ ଜଗଦଲପୁର ସିଆରପିଏଫ୍ କ୍ୟାମ୍ପରେ ଯବାନଙ୍କ ମଧ୍ୟରେ ରକ୍ତାକ୍ତ ସଂଘର୍ଷ ଘଟିବା ଫଳରେ ଜଣେ ଯବାନ ମୃତ ଓ ଦୁଇ ଯବାନ ଗୁରୁତର ହୋଇଥିବାର ଖବର ମିଳିଛି । ଜଣେ ଯବାନ ନିଜ ସର୍ଭିସ ବନ୍ଧୁକରୁ ଗୁଳି ଫୁଟାଇବା ଫଳରେ ଏଭଳି ଅଘଟଣ ଘଟିଛି । ଗୁରୁତର ଯବାନଙ୍କୁ ରାୟପୁର ମେଡିକାଲକୁ ସ୍ଥାନାନ୍ତର କରାଯାଇଛି । ସିଆରପିଏଫ-୨୪୧ ବାଟାଲିୟନର ୩ ଜଣ ଯବାନଙ୍କ ମଧ୍ୟରେ ବଚସା ଯୋଗୁଁ ଏଭଳି ଘଟଣା ଘଟିଥିବା ଅନୁମାନ କରାଯାଉଛି । ତେବେ ଘଟଣାର କାରଣ ଅସ୍ପଷ୍ଟ ରହିଛି ।
