ବଲାଙ୍ଗୀର,୧୭/୧୨(ସୁନୀଲ ତ୍ରିପାଠୀ) : ଗତକାଲି ସୋନପୁର ବଲାଙ୍ଗୀର ଜାତୀୟ ରାଜପଥରେ ଏକ ମର୍ମନ୍ତୁତ ସଡକ ଦୁର୍ଘଟଣାରେ ବାପ ଝିଅଙ୍କ ମୃତ୍ୟୁ ହୋଇଥିବା ବେଳେ ମାଆଙ୍କୁ ଗୁରୁତର ଭାବରେ ସୋନପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି l ଅନ୍ୟ ବାଇକରେ ଥିବା ଦୁଇ ଜଣ ମଧ୍ୟ ଗୁରୁତର ଆହତ ହୋଇଛନ୍ତି l ସୂଚନାନୁସାରେ ସୋନପୁର ପତଭାଡିର ବାଳଗୋପାଳ ମିଶ୍ର ତାଙ୍କ ସ୍ତ୍ରୀ କଲ୍ୟାଣୀ ଏବଂ ଆଠ ବର୍ଷୀୟ ଝିଅ ପ୍ରିୟଦର୍ଶିନୀ ସହ ତରଭା ପଟୁ ସୋନପୁର ଫେରୁଥିବା ସମୟରେ ସୋନପୁର ପଟୁ ଫେରୁଥିବା ବଡ଼ମାଲର ମନଭଞ୍ଜନ ମିଶ୍ର ଓ ମନୋରଞ୍ଜନ ମିଶ୍ରଙ୍କ ଗାଡି ସହିତ ଧକ୍କା ହୋଇଥିଲା l ପରେ ଅଗ୍ନିଶମ ବିଭାଗ ପାଞ୍ଚ ଜଣ ଆହତଙ୍କୁ ସୋନପୁର ଚିକିତ୍ସାଲୟରେ ଭର୍ତ୍ତି କରିଥିଲେ l ସେଠାରେ ଡାକ୍ତର ବାଳଗୋପାଳ ମିଶ୍ର ଏବଂ ତାଙ୍କ ଝିଅଙ୍କୁ ମୃତ ଘୋଷଣା କରିଥିଲେ l
