ବ୍ରହ୍ମପୁର,୯/୮,(ଇ.ରଞ୍ଜନ): ବ୍ରହ୍ମପୁର ଶନିବାର ସଂସ୍କୃତ ଭାରତୀ -ଗଞ୍ଜାମ ବିଭାଗ ପକ୍ଷରୁ ଗତକାଲି ୭ ତାରିଖରେ ଏକକାଳୀନ ୬ ଗୋଟି ସଂସ୍କୃତ ସମ୍ଭାଷଣ ବର୍ଗ Online ମାଧ୍ୟମରେ ଉଦ୍ ଘାଟିତ ହୋଇଯାଇଛି । ସକାଳ ୮ – ୩୦ ରେ ୩ ଗୋଟି ଏବଂ ସନ୍ଧ୍ୟା ୭ ଟା ରେ ୩ ଗୋଟି, ଏହିପରି ୬ ଗୋଟି ବର୍ଗ ଅଗଷ୍ଟ ୭ ତାରିଖରୁ ଆରମ୍ଭ ହୋଇଥିବା ବେଳେ ଅଗଷ୍ଟ ୧୪ ତାରିଖରେର ଉଦ୍ ଯାପିତ ହେବ । ପ୍ରତିଦିନ ଦେଢ଼ ଘଣ୍ଟା ଲେଖାଏଁ ବିଦ୍ୟାର୍ଥୀମାନଙ୍କୁ ପ୍ରଶିକ୍ଷକଗଣ ଅନଲାଇନ ମାଧ୍ୟମରେ ସଂସ୍କୃତରେ କଥୋପକଥନର ଶିକ୍ଷା ପ୍ରଦାନ କରୁଛନ୍ତି । ସେହି ପ୍ରଶିକ୍ଷକମାନେ ଯଥା ,ସର୍ବ ଶ୍ରୀ ଆଦିତ୍ୟ କୁମାର ରଥ , ଶ୍ରୀ ବିକ୍ରମ ଦାଶ , ଶ୍ରୀ ସୁନୀଲ କୁମାର ପାଣିଗ୍ରାହୀ , ଡ଼ଃ ମଧୁସୂଦନ ସାହୁ , ଶ୍ରୀ ବିପ୍ରବର ଦଳାଇ , ଶ୍ରୀ ଅରୁଣ କୁମାର ନାୟକ , ଶ୍ରୀ ଶେଷଦେବ ମିଶ୍ର ଅଟନ୍ତି । ସଂସ୍କୃତ ଭାରତୀ ଉତ୍କଳ ପ୍ରାନ୍ତର କର୍ମକର୍ତ୍ତୃଗଣଙ୍କ ପ୍ରତ୍ଯକ୍ଷ ତତ୍ତ୍ବାବଧାନରେ ସୁଚାରୁ ରୂପେ ଏହି କାର୍ଯ୍ୟକ୍ରମ ଚାଲିଛି ଏବଂ ଏହା ଆଗାମୀ ୧୪ ତାରିଖରେ ଉଦ୍ ଯାପିତ ହେବ ବୋଲି ଗଞ୍ଜାମ ବିଭାଗ ସଂଯୋଜକ ପଣ୍ଡିତ ଶ୍ରୀ ସୀମାଚଳ ତ୍ରିପାଠୀ ଜଣାଇଛନ୍ତି ।
