ଦାରିଙ୍ଗବାଡ଼ି, ୧୨।୬( ଅଂଶୁମାନ ପ୍ରିୟଦର୍ଶନ): ବୋଲେର ପିକ ଅପ୍ ଭ୍ୟାନ ସହିତ ମଟର ସାଇକେଲ ମୁହାଁ ମୁହିଁ ଧକ୍କା ୨ ଗୁରୁତର । ଦାରିଙ୍ଗବାଡ଼ି ବ୍ଲକ ଦାସିଙ୍ଗବାଡ଼ି ଗ୍ରାମ ପଞ୍ଚାୟତ ଅନ୍ତର୍ଗତ ସିରିପାକାଲ ଗ୍ରାମର ମଜିତା ପ୍ରଧାନଙ୍କ ପୁଅ ସଞ୍ଜୟ ପ୍ରଧାନ(୧୮) ଓ ମନୁ ପ୍ରଧାନଙ୍କ ପୁଅ ଟୁନା ପ୍ରଧାନ(୧୯) ଘରୋଇ ଆଵଶ୍ୟକତା ନେଇ ଦାରିଙ୍ଗବାଡ଼ି ଆସି ବଜାର କରି ଘରକୁ ଫେରୁ ଥିଲେ । ସେହି ସମୟରେ ଉକ୍ତ ଗ୍ରାମ ନିକଟ ଦଲେରମାହା ଗ୍ରାମରୁ ଏକ ବୋଲେରୋ ପିକ ଅପ୍ ଭ୍ୟାନ ଦାରିଙ୍ଗବାଡ଼ି ଅଭିମୁଖେ ଆସୁଥିବା ବେଳେ କରୁପାଟା ଠାରେ ମଟର ସାଇକେଲ ସହ ମୁହାଁ ମୁହିଁ ଧକ୍କା ହୋଇଥିଲା । ଏହାଫଳରେ ମଟର ସାଇକେଲ ଚଲାଉଥିବା ଥିବା ଟୁନା ପ୍ରଧାନ ଓ ତାଙ୍କ ପଛରେ ବସିଥିବା ସଞ୍ଜୟ ଗୁରୁତର ଆହତ ହୋଇଥିଲେ। ଆହତଙ୍କୁ ପ୍ରଥମେ ଦାରିଙ୍ଗବାଡ଼ି ସ୍ୱାସ୍ଥ୍ୟ କେନ୍ଦ୍ରରେ ପ୍ରାଥମିକ ଚିକିତ୍ସା ପରେ ଗୁରୁତର ହୋଇଥିବାରୁ ଫୁଲବାଣୀ ଜିଲ୍ଲାସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିବା ଜଣାପଡ଼ିଛି ।
