ଫୁଲବାଣୀ, ୩୦।୫ (ଅନନ୍ତ କୁମାର ଦିଗାଳ ): କାର ଓ ବାଇକ ମୁହାଁମୁହିଁ ଧକ୍କା ହେବା ଫଳରେ ଦୁଇଭାଇଙ୍କ ଶୋଚନୀୟ ମୃତ୍ୟୁ ହୋଇଥିବା ଜଣାପଡିଛି । କନ୍ଧମାଳ ଫୁଲବାଣୀ ସଦରଥାନା ଅନ୍ତର୍ଗତ ବିଶିପଡା ଗାଁ ବୁଲାନିରେ ବାଲିଗୁଡା ଆଡୁ ଦ୍ରୁତଗତିରେ ଆସି ବାଇକ ଆରୋହୀଙ୍କୁ ମୁହାଁମୁହିଁ ଧକ୍କା ଦେବାଫଳରେ ବାଇକରେ ଯାଉଥିବା ଦୁଇଭାଇଙ୍କ ମୃତ୍ୟୁ ଘଟିଛି । ମୃତକ ହେଲେ ଗୋଚ୍ଛାପଡା ଅଲିଗଡ଼ ଗାଁ ର ନରେଶ ବଗାର ଓ ପ୍ରଦୀପ ବଗାର । ଏହି ଦୁଇଭାଇ ଫୁଲବାଣୀରୁ ନୂଆମୋବାଇଲ କିଣି ଜଳଖିଆ ଖାଇ ନିଜ ଗାଁକୁ ଫେରୁଥିବା ବେଳେ ସଦର ଥାନା ନିକଟରେ ଦିନ ୧୨ ବେଳେ ଦୁର୍ଘଟଣାରେ ପ୍ରାଣ ହରାଇ ଥିଲେ । ସଦର ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଦୁଇ ଭାଇଙ୍କୁ ଉଦ୍ଧାରକରି ଜ଼ିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇ ଥିଲେ । ସେଠାରେ ଡ଼କ୍ଟର ତାଙ୍କୁ ମୃତ ଘୋଷଣା କରିଥିଲେ । ଦୁର୍ଘଟଣା ଘଟାଇ ଥିବା କାର ନଂ ଓଡି ୧୪ଏ ୮୮୯୭ କୁ ଅଟକ ରଖି ତଦନ୍ତ ଚଲାଇଛନ୍ତି ।
