ଭୁବନେଶ୍ୱର, ୧୩/୩ (ଡ଼ିଏଚ) : ଭାରତରେ ନିଜ କାୟା ବିସ୍ତାର କରୁଥିବା କରୋନାକୁ ରାଜ୍ୟ ବିପର୍ଯ୍ୟୟ ଭାବେ ଘୋଷଣା କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମାର୍ଚ୍ଚ ୩୧ ଯାଏଁ ରାଜ୍ୟର ସମସ୍ତ ସ୍କୁଲ ଛୁଟି ଘୋଷଣା କରାଯାଇଛି । ବିଶ୍ୱ ସ୍ୱାସ୍ଥ୍ୟ ସଂଗଠନ କୋରୋନା ବା କୋଭିଡ-୧୯କୁ ବିଶ୍ୱ ମହାମାରୀ ଭାବେ ଘୋଷଣା କରିଥିବା ବେଳେ ଦିଲ୍ଲୀ ସରକାର ମଧ୍ୟ ଗତକାଲି ମହାମାରୀ ଘୋଷଣା କରିଛନ୍ତି ।
ସାରା ବିଶ୍ୱରେ ଆତଙ୍କ ସୃଷ୍ଟି କରିଥିବା କରୋନାରେ ଭାରତରେ ମଧ୍ୟ ୭୪ଜଣ ଆକ୍ରାନ୍ତ ହୋଇଥିବା ବେଳେ ଗତକାଲି ଜଣେ ବ୍ୟକ୍ତିଙ୍କ ମୁଣ୍ଡ ନେଇଛି ଏହି ଭୂତାଣୁ । ଆଜି ବିଧାନସଭାରେ କରୋନା ଭାଇରସ ଉପରେ ବିବୃତି ରଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଓଡ଼ିଶାରେ କରୋନା ମୁକାବିଲା ପାଇଁ ୨୦୦ କୋଟି ଟଙ୍କାର ପାଣ୍ଠି କରାଯାଇଛି ।
ମାର୍ଚ୍ଚ ୩୧ ଯାଏଁ ରାଜ୍ୟର ସବୁ ସ୍କୁଲ ବନ୍ଦ ରହିବ । କ୍ୟାବିନେଟ ବୈଠକରେ ଏହି ପ୍ରସ୍ତାବକୁ ମଞ୍ଜୁରୀ ମିଳିଥିବା ନେଇ ଆଜି ଗୃହକୁ ଅବଗତ କରାଇଛନ୍ତି ମୁଖ୍ୟମନ୍ତ୍ରୀ । ବିପର୍ଯ୍ୟୟ ପ୍ରଶମନ ଆଇନ ୨୦୦୫ ଅନୁସାରେ ରାଜ୍ୟ ବିପର୍ଯ୍ୟୟ ଭାବେ କରୋନାକୁ ଘୋଷଣା କରାଯାଇଛି । ସମସ୍ତ ସିନେମା ହଲ, ସୁଇମିଂ ପୁଲକୁ ମଧ୍ୟ ଘୋଷଣା କରାଯାଇଛି ।
ସମସ୍ତ ସିନେମା ହଲ, ସୁଇମିଂ ପୁଲ, ଜିମକୁ ମଧ୍ୟ ଘୋଷଣା କରାଯାଇଛି । କିନ୍ତୁ ଶିକ୍ଷାନୁଷ୍ଠାନ ବନ୍ଦ ରହିଲେ ମଧ୍ୟ ପରୀକ୍ଷା କରାଇବାକୁ ନିଷ୍ପତି ହୋଇଛି । ସେହିପରି ସେମିନାର, ୱାର୍କସପ, ସମ୍ମୀଳନୀ ବନ୍ଦ ରଖାଯିବାକୁ ଘୋଷଣା କରାଯାଇଛି । ଏହା ସହ ବାହାଘର, ଧର୍ମୀୟ କାର୍ଯ୍ୟକ୍ରମ ଓ ସଭାସମିତିକୁ ନିୟନ୍ତ୍ରଣ କରାଯିବ । ସାମାଜିକ କାର୍ଯ୍ୟକ୍ରମକୁ ସ୍ଥାନୀୟ ଅଧିକାରୀ ନିୟନ୍ତ୍ରଣ କରିବେ ।
