ମୟୁରଭଞ,୨୫।୨,(ସୀତାରାମ ଦୀକ୍ଷିତ) : ପିକଅପ ଧକ୍କାରେ ଗୁରୁତ୍ତର ବାଇକ ଚାଳକ।ରାସ୍ତା କଡରେ ରକ୍ତ ଜୁଡୁବୁଡୁ ହୋଇ ପଡ଼ିଥିବା ଅବସ୍ଥାରେ ଉଦ୍ଧାର। ଏଭଳି ଘଟଣା ମୟୂରଭଂଜ ଜିଲ୍ଲାର ରାଇରଙ୍ଗପୁର ଟାଉନଥାନା ଅନ୍ତର୍ଗତ ମହୁଳଡ଼ିହା ଛକ ନିକଟରେ ଆଜି ଅପରାହ୍ନରେ ଘଟିଛି।ତେବେ ଥାନା ଠାରୁ ଦେଢ଼ କିଲୋମିଟର ଦୂର ୨୨୦ନଂ ଜାତୀୟ ରାଜପଥର ମହୁଲଡିହା ଛକରେ ଅପରାହ୍ନ ସମୟରେ ପିକ୍ଅପ୍ (ଓଡି ୧୧ ଇ ୯୯୨୩) ୟାମାହା ଫେଜେରୋ (ଓଡି ୧୧ ଇ ୩୭୬୮) ବାଇକକୁ ଧକ୍କା ଦେଇଥିଲା। ଫଳରେ ବାଇକ ଚାଳକ ରକ୍ତ ଜୁଡୁବୁଡୁ ଅବସ୍ଥାରେ ରାସ୍ତାରେ ଛିଟିକି ପଡ଼ିଥିଲେ । ଖବରପାଇ ରାଇରଙ୍ଗପୁର ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ଗୁରୁତର ବାଇକ ଚାଳକ ପ୍ରିତିଶ ପରିଡାଙ୍କୁ ଉଦ୍ଧାର କରି ରାଇରଙ୍ଗପୁର ଡାକ୍ତରଖାନାରେ ଭର୍ତ୍ତି କରିଥିଲେ। ଦୁର୍ଘଟଣା ପୀଡ଼ିତ ପ୍ରୀତିଶଙ୍କ ଘର ରାଇରଙ୍ଗପୁର ଗ୍ରାମାଞ୍ଚଳ ଥାନା ଅନ୍ତର୍ଗତ ଵିଜାତଳା ବ୍ଲକର ରାଖାସାହିରେ ବୋଲି ଜଣାପଡିଛି। ରାଇରଙ୍ଗପୁର ଡାକ୍ତରଖାନାରେ ପ୍ରାଥମିକ ଚିକିତ୍ସା ପରେ ସ୍ୱାସ୍ଥ୍ୟ ଅବସ୍ଥା ଉଦବେଗଜନକ ହେବାରୁ ବାରିପଦା ସ୍ଥିତ ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ଏଣ୍ଡ ହସ୍ପିଟାଲକୁ ସ୍ଥାନାନ୍ତରିତ କରାଯାଇଛି ।
