ବରଗଡ,୧୫/୨(କୁଞ୍ଜ ବିହାରି ସାହୁ):ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଡ଼ଭା ପ୍ରାଥମିକ ବିଦ୍ୟାଳୟରେ ପିଲାଙ୍କୁ ପାଠ ପଢାଇଲେ ପଦ୍ମପୁର ଉପ-ଜିଲ୍ଲାପାଳ ତନ୍ମୟ କୁମାର ଦରଓ୍ବାନ ଓ ଝାରବନ୍ଦ ତହସିଲଦାର ପର୍ଶୁରାମ ପଣ୍ଡା । ସ୍କୁଲକୁ ଅଚାନକ ଗସ୍ତ କରି ସ୍କୁଲ ପାଠପଢା ବ୍ୟବସ୍ଥାକୁ ଯାଂଚ କରିଥିଲେ ଏବଂ ସ୍କୁଲର ଛାତ୍ରଛାତ୍ରୀ ମାନଙ୍କୁ ଗଣିତ ପଢ଼ାଇ ଥିଲେ । ପିଲାମାନେ ମଧ୍ୟ ଭଲ ଭାବରେ ଧ୍ୟାନ ଦେଇ ପାଠ ପଢିଲେ । ଉପ-ଜିଲ୍ଲାପାଳ ଓ ତାସିଲଦାରଙ୍କ ଠାରୁ ପାଠ ପଢି ବେଶ ଖୁସି ଅନୁଭୂତି କରିଥିଲେ ଛାତ୍ର ଛାତ୍ରୀ । ଉପ ଜିଲ୍ଲାପାଳଙ୍କର ଏପରି ସ୍କୁଲ ପରିଦର୍ଶନକୁ ଅଞ୍ଚଳବାସୀ ମଧ୍ୟ ପ୍ରଶଂସା କରିଥିଲେ । ଏପରି ସରକାରୀ ଅଧିକାରୀ ମାନଙ୍କର ସ୍କୁଲ ପରିଦର୍ଶନ ଦ୍ୱାରା ଶିକ୍ଷା ବ୍ୟବସ୍ଥାରେ ସୁଧାର ଆସିବ ବୋଲି ମଧ୍ୟ ଚର୍ଚ୍ଚା ହେଉଛି । ଏବଂ ନିଜର ଅଞ୍ଚଳର ଉପ ଜିଲ୍ଲାପାଳକୁ ପିଲାମାନେ ପାଖରେ ପାଇ ମନୋବଳ ବଢିବା ସହିତ ଶିକ୍ଷାରେ ମଧ୍ୟ ଉନ୍ନତି ହେବ ।
